{"id":1534,"date":"2023-08-11T17:05:37","date_gmt":"2023-08-11T16:05:37","guid":{"rendered":"https:\/\/sites.cardiff.ac.uk\/education-development-toolkit\/?page_id=1534"},"modified":"2026-10-06T13:27:54","modified_gmt":"2026-10-06T12:27:54","slug":"marcio-a-chymedroli","status":"publish","type":"page","link":"https:\/\/sites.cardiff.ac.uk\/education-development-toolkit\/cy\/egwyddorion-allweddol\/egwyddor-5-asesu-syn-gyfystyr-a-dysgu\/marcio-a-chymedroli\/","title":{"rendered":"Datblygu a Defnyddio Meini Prawf Asesu"},"content":{"rendered":"

Cyflwyniad<\/span><\/b>\u00a0<\/span><\/p>\n

Mae meini prawf asesu yn rhan hanfodol o gefnogi asesu teg, tryloyw ac ystyrlon. Maent yn helpu myfyrwyr i ddeall yr hyn a ddisgwylir ganddynt, yn galluogi marcwyr i lunio barn gyson ac yn darparu fframwaith ar gyfer adborth adeiladol. Mae meini prawf pwrpasol eu cynllun yn cyfrannu at lythrennedd asesu ac adborth, gan gefnogi myfyrwyr i werthuso eu gwaith eu hunain, ymgysylltu ag adborth a datblygu i fod yn ddysgwyr annibynnol.<\/span>\u00a0<\/span><\/p>\n

I bwy mae’r dudalen hon?<\/span><\/b>\u00a0<\/span><\/p>\n

Anelir y dudalen hon at unrhyw un sy’n ymwneud \u00e2 llunio, cyflwyno, marcio, cymedroli neu adolygu asesiadau ym myd addysg uwch. Mae hyn yn cynnwys arweinwyr rhaglenni a modiwlau, staff addysgu, llunwyr asesiadau, arholwyr allanol a chydweithwyr sy’n ymwneud \u00e2 sicrhau ansawdd a datblygu addysgol. Mae\u2019n bosibl y bydd hefyd yn ddefnyddiol i staff sy\u2019n adolygu arferion asesu rhaglenni neu\u2019n ystyried cyfleoedd partneriaeth \u00e2 myfyrwyr wrth lunio asesiadau.<\/span>\u00a0<\/span><\/p>\n

Mae datblygu meini prawf asesu effeithiol yn cyd-fynd \u00e2’r egwyddorion sy’n sail i’r Fframwaith Safonau Proffesiynol (PSF 2024). Yn benodol, mae’n cefnogi addysgwyr yn y broses o lunio profiadau dysgu ac asesu cynhwysol a dilys, gan gyfleu disgwyliadau’n glir yn ogystal \u00e2 galluogi dysgwyr i gymryd rhan weithredol yn y gwaith o werthuso a gwella eu perfformiad. Mae’r dulliau a amlinellir yn adlewyrchu ymrwymiadau’r Fframwaith i hyrwyddo cyfleoedd dysgu teg, cefnogi llwyddiant dysgwyr trwy ymarfer sy’n seiliedig ar dystiolaeth a meithrin dulliau cydweithredol o ddysgu ac asesu.<\/span>\u00a0<\/span><\/p>\n

Mae datblygu meini prawf asesu sydd yn bwrpasol eu cynllun hefyd yn cefnogi strategaeth <\/span>Ein Dyfodol, Gyda’n Gilydd<\/span><\/i> Prifysgol Caerdydd trwy hyrwyddo arferion asesu cynhwysol a thryloyw sy’n canolbwyntio ar y myfyriwr. Gall helpu i ddarparu profiad addysgol rhagorol, meithrin partneriaeth \u00e2 myfyrwyr a\u2019u synnwyr o berthyn yn ogystal \u00e2 chefnogi dysgwyr i ddatblygu’r wybodaeth, y sgiliau a’r hunanreoleiddio sydd eu hangen ar gyfer dysgu gydol oes ac effaith gadarnhaol yn eu cymunedau a’u proffesiynau.<\/span>\u00a0<\/span><\/p>\n

Ar y dudalen hon ceir canllawiau ymarferol ar ddatblygu, adolygu a defnyddio meini prawf asesu. Mae’n ystyried nodweddion meini prawf effeithiol, yn ystyried dulliau o gyd-greu meini prawf \u00e2 myfyrwyr ac yn tynnu sylw at sut y gellir defnyddio meini prawf i gefnogi arferion marcio a chymedroli cyson mewn rhaglenni a modiwlau.<\/span>\u00a0<\/span><\/p>\n

\n

\n Chevron right<\/title>\n <\/path>\n<\/svg> Sut i ddatblygu meini prawf a chyfarwyddiadau asesu da<\/h2>

Gwerthfawrogir meini prawf asesu da a chlir gan fyfyrwyr ac maent yn gymorth i sicrhau bod asesiadau'n cael eu hystyried yn deg, yn dryloyw ac yn gyson.<\/p>\n

Dylai meini prawf asesu wedi'u cynllunio'n dda fod yn:<\/u><\/p>\n

\n

\n

\n \n