{"id":462,"date":"2023-03-06T12:09:06","date_gmt":"2023-03-06T12:09:06","guid":{"rendered":"https:\/\/sites.cardiff.ac.uk\/education-development-toolkit\/?page_id=462"},"modified":"2025-12-12T16:14:18","modified_gmt":"2025-12-12T16:14:18","slug":"datblygu-rhaglen","status":"publish","type":"page","link":"https:\/\/sites.cardiff.ac.uk\/education-development-toolkit\/cy\/datblygu-rhaglen\/","title":{"rendered":"Datblygu Rhaglen"},"content":{"rendered":"

Dechrau arni gyda Llunio Rhaglen<\/h2>\n

Datblygu Rhaglenni<\/strong><\/h2>\n

Mae Datblygu Rhaglenni ym Mhrifysgol Caerdydd yn broses gynhwysfawr ac ailadroddol. Mae wedi’i chynllunio i wneud yn si\u0175r bod myfyrwyr yn cael profiadau dysgu o ansawdd uchel sy’n drylwyr yn academaidd, yn gydlynol, ac yn cyd-fynd \u00e2 safonau cenedlaethol. Mae dyluniad a dull cyflwyno rhaglen yn seiliedig ar yr egwyddor bod dysgu yn daith barhaus: mae myfyrwyr yn symud ymlaen trwy lefelau astudio mewn modd sy’n atgyfnerthu gwybodaeth, sgiliau a rhinweddau, gan arwain at gyflawni Ddeilliannau Dysgu Rhaglenni (PLOs) a Rhinweddau Graddedigion (GA). Yn yr ystyr hwn, nid trefniant gweinyddol yn unig yw strwythur y rhaglen. Yn hytrach, mae\u2019n fframwaith addysgegol y mae’r Brifysgol yn gweithredu ei chenhadaeth addysgol drwyddo.<\/p>\n

\"\"
Title: Process for Developing New Programmes<\/figcaption><\/figure>\n

Wrth wraidd dylunio rhaglenni mae’r syniad o aliniad adeiladol<\/strong>, sy’n mynnu bod rhaid i addysgu, gweithgareddau dysgu ac asesu i gyd gael eu halinio’n fwriadol \u00e2’r deilliannau dysgu mewn golwg (Biggs a Tang, 2011). Yn ymarferol, mae hyn yn golygu bod amcanion y rhaglen, cynnwys y modiwlau, a thasgau asesu yn cael eu datblygu ar yr un pryd, ac mae pob elfen yn atgyfnerthu ei gilydd. Mae aliniad adeiladol yn gwneud yn si\u0175r bod myfyrwyr yn cael eu harwain yn gyson tuag at gyflawniadau y gellir eu dangos, boed hynny\u2019n ymwneud \u00e2 chaffael gwybodaeth sylfaenol yn gynnar, neu ymgymryd \u00e2 dadansoddiad cymhleth, annibynnol ar lefelau uwch.<\/p>\n

1.Strwythuro, Dylunio a Chyflwyno Rhaglenni: Camau Datblygu Rhaglenni<\/strong><\/h2>\n

Llywodraethu a Sicrhau Ansawdd<\/strong><\/h3>\n

Mae holl strwythurau a dyluniadau rhaglenni yn destun prosesau llywodraethu a sicrhau ansawdd trylwyr. Dilysir y rhain yn ffurfiol gan \u00a0Is-bwyllgor Cymeradwyo ac Ailddilysu Rhaglenni PARSC a’r Pwyllgor Safonau ac Ansawdd Academaidd (ASQC).\u00a0 Mae hyn yn gwneud yn si\u0175r bod cynigion yn bodloni safonau sefydliadol, yn glynu wrth ddisgrifyddion FHEQ, ac yn alinio \u00e2 meincnodau\u2019r sector. Mae prosesau adolygu mewnol ac allanol, gan gynnwys craffu gan arholwyr allanol a mapio i ofynion cyrff Proffesiynol, Statudol a Rheoleiddiol (PSRBs) (lle bo’n berthnasol), yn rhoi sicrwydd bod rhaglenni’n drylwyr yn academaidd, yn gydlynol, a bod modd eu cymharu \u00e2 safonau’r DU. Mae’r dull systematig hwn yn diogelu profiad y myfyrwyr yn ogystal ag uniondeb dyfarniadau Prifysgol Caerdydd.<\/p>\n

Mae proses datblygu rhaglenni Prifysgol Caerdydd wedi’i strwythuro’n ffurfiol yn dri cham: Cymeradwyaeth Mewn Egwyddor, Dylunio a Dogfennu, a Chymeradwyaeth Derfynol a Gweithredu<\/strong>. Mae diben penodol i bob cam sy\u2019n cydbwyso ystyriaethau strategol, ansawdd academaidd, a hyfywedd ymarferol.<\/p>\n

Cam 1, ar \u00f4l Cwmpasu’r Rhaglen, yw ‘Cymeradwyaeth Mewn Egwyddor’<\/strong>, sy\u2019n canolbwyntio ar y cyfiawnhad strategol dros raglen newydd neu ddiwygiedig. Yma, mae timau’r rhaglen yn mynegi’r rhesymeg dros y rhaglen, gan ddangos sut mae\u2019n cyd-fynd \u00e2 blaenoriaethau sefydliadol, y galw disgwyliedig gan fyfyrwyr, a\u2019i pherthnasedd academaidd a phroffesiynol. Yn y cam hwn rhaid ystyried adnoddau, staffio, safle yn y farchnad a chynaliadwyedd. Mae’r gymeradwyaeth yn gwneud yn si\u0175r bod y rhaglen yn fuddsoddiad hyfyw o amser ac adnoddau cyn i’r gwaith dylunio manwl ddechrau. Cewch wybod rhagor yn adran Cwmpasu Rhaglenni y pecyn cymorth hwn.<\/p>\n

Yr ail gam, Datblygu’r Rhaglen:<\/strong> Dylunio a Dogfennu <\/strong>yw hanfod gwaith datblygu rhaglenni. Mae timau rhaglenni yn llunio dogfennaeth fanwl, gan gynnwys Templed Gwybodaeth y Rhaglen, mapiau asesu, a disgrifiadau o\u2019r modiwlau. Caiff Deilliannau Dysgu Rhaglenni eu drafftio a’u mapio yn erbyn Rhinweddau Graddedigion. Ar yr un pryd, caiff deilliannau dysgu modiwlau a\u2019r asesiadau bwriadol eu halinio’n ofalus fel bod cydlyniant a dilyniant ar draws lefelau. Gwneir penderfyniadau ynghylch strwythur y rhaglen, dilyniant modiwlau, a\u2019r cynnwys craidd neu ddewisol yng nghyd-destun gofynion academaidd, addysgegol a rheoleiddiol. Yn arwyddocaol, mae’r cam hwn hefyd yn cynnwys cynllunio ar gyfer cynhwysiant, hygyrchedd, a phrofiad y myfyriwr, gan ymgorffori elfennau o bontio, ymgysylltu, a dysgu gweithredol ym mhensaern\u00efaeth y rhaglen.<\/p>\n

Cymeradwyaeth Derfynol a Gweithredu<\/strong> yw’r cam pan fydd yr Is-bwyllgor Cymeradwyo ac Ailddilysu Rhaglenni (PARSC)<\/strong> a’r Pwyllgor Safonau ac Ansawdd Academaidd (ASQC)<\/strong> yn dilysu\u2019r rhaglen yn ffurfiol. Ar y pwynt hwn, caiff strwythur y rhaglen, y deilliannau dysgu, y strategaeth asesu a’r dulliau cyflwyno eu cymeradwyo’n ffurfiol, a bydd y Gofrestrfa yn paratoi\u2019r rhaglen i’w rhoi ar waith. Mae’r cam hwn yn gwneud yn si\u0175r bod pob elfen yn cydymffurfio \u00e2 rheoliadau Prifysgol Caerdydd a’r Fframwaith ar gyfer Cymwysterau Addysg Uwch (FHEQ), gan ddiogelu uniondeb a chymaroldeb y dyfarniad.<\/p>\n

Diogelu Uniondeb Dyfarniadau a Mapio Lefelau FHEQ<\/strong><\/h3>\n

Un o\u2019r prif bryderon wrth ddylunio rhaglenni yw diogelu uniondeb dyfarniadau<\/strong>. Rhaid mynegi deilliannau dysgu rhaglenni a modiwlau yn glir ar y lefel FHEQ briodol, gan nodi’r wybodaeth, y sgiliau a’r galluoedd y disgwylir i fyfyrwyr eu cyflawni. Mae FHEQ yn rhoi disgrifyddion cyffredinol ar gyfer pob lefel astudio<\/a>. Ar ben hynny, mae\u2019n gosod egwyddorion cyffredinol sy’n llywio deilliannau ar lefel y rhaglen a safonau asesu (QAA, 2024).<\/p>\n

Mae mapio canlyniadau dysgu ar draws lefelau yn gwneud yn si\u0175r bod y myfyrwyr yn gallu symud ymlaen drwy heriau gwybyddol ac ymarferol cynyddol soffistigedig. Mae modiwlau Lefel 4 fel arfer yn pwysleisio gwybodaeth a dealltwriaeth sylfaenol. Mae modiwlau Lefel 5 yn datblygu sgiliau cymhwyso a dadansoddi, tra bod gwerthusiad beirniadol, cyfosod ac ymchwil annibynnol yn ofynnol ym modiwlau Lefel 6 neu \u00f4l-raddedig. Mae’r dilyniant atgyfnerthol hwn yn hanfodol er mwyn cynnal safonau academaidd a pharatoi myfyrwyr ar gyfer cyfleoedd proffesiynol ac \u00f4l-raddedig.<\/p>\n

Strwythur Rhaglenni a’r Asgwrn Cefn Craidd<\/strong><\/h3>\n

Mae’r cysyniad o asgwrn cefn craidd<\/strong> yn ganolog i athroniaeth Caerdydd wrth ddylunio rhaglenni. Mae’r asgwrn cefn craidd yn set o fodiwlau hanfodol sy’n sail i ddatblygu gwybodaeth, sgiliau a rhinweddau graddedigion ar draws pob blwyddyn astudio. Drwy strwythuro rhaglenni o amgylch asgwrn cefn gweladwy o fodiwlau craidd, mae’r Brifysgol yn gwneud yn si\u0175r bod myfyrwyr yn cael cynnwys disgyblaethol hanfodol a chyfleoedd i feithrin sgiliau yn gyson drwy gydol cyfnod eu hastudiaethau.<\/p>\n

Ategir y modiwlau craidd gan fodiwlau dewisol a modiwlau a ddewisir o dan arweiniad, gan roi hyblygrwydd a r\u00f4l i\u2019r myfyrwyr wrth gynnal cydlyniant. Rhaid cynllunio opsiynau’n ofalus i osgoi gwrthdaro yn yr amserlen yn ogystal \u00e2 gwneud yn si\u0175r bod pob myfyriwr yn gallu cyflawni’r deilliannau dysgu ar lefel y rhaglen. Mae Prifysgol Caerdydd yn aml yn defnyddio casgliadau cynnwys<\/strong>, sef setiau strwythuredig o fodiwlau dewisol sy’n caniat\u00e1u i fyfyrwyr bersonoli eu haddysg gan ddiogelu dilyniant ac uniondeb dyfarniadau ar yr un pryd. Mae gwahaniaethu yn arbennig o bwysig mewn rhaglenni sy’n rhannu modiwlau, gan wneud yn si\u0175r bod deilliannau dysgu, asesu ac addysgeg yn parhau i fod yn benodol ar gyfer carfan pob rhaglen.<\/p>\n

Dynodi a Dilyniannu Modiwlau<\/strong><\/h3>\n

Mae dealltwriaeth o ddynodiad modiwlau yn hanfodol i uniondeb rhaglenni. Gellir dosbarthu modiwlau\u2019n rhai Gofynnol, Craidd, Dewisol, Cyd-ofynnol, Rhagflaenol, neu Ragofynnol<\/strong>, ac mae gan bob un oblygiadau penodol ar gyfer dilyniant myfyrwyr. Rhaid pasio modiwlau gofynnol ac ni ellir eu cydoddef os ydyn nhw\u2019n hanfodol er mwyn cyflawni deilliannau penodol y rhaglen. Er bod modiwlau craidd yn orfodol, gellir eu cydoddef mewn amgylchiadau eithriadol yn dilyn Rheoliadau’r Bwrdd Asesu ac Arholi. Mae modiwlau rhagofynnol neu ragflaenol yn gwneud yn si\u0175r bod gan fyfyrwyr y sylfaen angenrheidiol ar gyfer dysgu dilynol, gan hwyluso datblygiad cynyddol.<\/p>\n

Mae dilyniannu yr un mor hanfodol. Trefnir modiwlau i ddatblygu gwybodaeth a sgiliau yn systematig, gan roi hwb i hyder ac annibyniaeth myfyrwyr yn ogystal \u00e2\u2019u gallu i ddatblygu eu galluoedd. Mae modiwlau lefel gynnar yn gosod y sylfaen, mae modiwlau lefel ganol yn atgyfnerthu ac yn ymestyn yr hyn a ddysgir, ac mae modiwlau lefel uwch yn herio myfyrwyr i integreiddio, gwerthuso a chymhwyso gwybodaeth yn annibynnol.<\/p>\n

Profiad Myfyrwyr, Cynhwysiant, a Datblygu Cynaliadwy<\/strong><\/h3>\n

Mae dyluniad rhaglenni yng Nghaerdydd yn canolbwyntio’n gadarn ar y myfyriwr. Y tu hwnt i gynnydd academaidd, mae rhaglenni wedi’u cynllunio i feithrin Addysg Gynhwysol<\/strong>. Mae hyn yn hyrwyddo ymdeimlad o berthyn, safbwyntiau amrywiol, ac mae\u2019n grymuso myfyrwyr i gymryd rhan lawn yn eu haddysg. Mae’r Brifysgol yn ymgorffori Addysg ar gyfer Datblygu Cynaliadwy<\/strong> o fewn amcanion y rhaglen hefyd. Drwy wneud hyn, mae\u2019n herio myfyrwyr i ymgysylltu \u00e2 materion cymdeithasol, amgylcheddol ac economaidd, a chymhwyso\u2019r hyn y maen nhw\u2019n ei ddysgu mewn modd cyfrifol.<\/p>\n

Mae timau rhaglenni yn ymgorffori arferion cynhwysol drwy gwblhau’r Model Gwella Addysg Gynhwysol (2023) . Mae\u2019r model hwn yn cyflwyno cyfres o ddatganiadau myfyriol ar gyfer timau rhaglenni wedi’u mapio yn erbyn Fframwaith Addysg Gynhwysol Prifysgol Caerdydd . Ar bob cam o\u2019r broses datblygu rhaglenni, bydd timau rhaglenni yn defnyddio hyn i ystyried ehangder amrywiaeth y darpar fyfyrwyr. Maen nhw hefyd yn rhagweld ac yn nodi rhwystrau dysgu i ddarpar fyfyrwyr ar gyfer pob tasg, gweithgaredd, adnodd neu asesiad, ac yn datblygu eu hatebion.<\/p>\n

I gael trafodaeth am sut rydym yn gweld amrywiaeth ym maes AU, a sut y gallech chi ddefnyddio egwyddorion addysg gynhwysol a\u2019n Model Gwella i ragweld rhwystrau i ddysgu a datblygu atebion a chynlluniau gweithredu ar gyfer eich rhaglenni, darllenwch y dudalen Cyflwyniad i Addysg Gynhwysol.<\/p>\n

Gallech ystyried atebion drwy ddefnyddio egwyddorion Dylunio Cyffredinol ar gyfer Dysgu<\/a>. Mae’r Asiantaeth Sicrhau Ansawdd wedi datblygu \u00a0 hefyd i helpu timau rhaglenni i ddatblygu dysgu ac addysgu cynhwysol.<\/p>\n \n\n

\n
\n Globe<\/title><\/path><\/svg> <\/div>\n \n
\n

Gallwch ddefnyddio'r awgrymiadau hyn wrth Ddylunio Rhaglenni i ystyried egwyddorion Dylunio Cyffredinol:<\/h3>

Gallwch ddefnyddio'r awgrymiadau hyn wrth Ddylunio Rhaglenni i ystyried egwyddorion Dylunio Cyffredinol:<\/span><\/p>\n

\u2022 A allwch chi ymgorffori hyblygrwydd a dewis o ran testun, modd (fel ysgrifenedig neu lafar) neu ddewis modiwlau, fel egwyddor sylfaenol yn eich rhaglen?<\/span><\/p>\n

\u2022 A oes cyfleoedd i fyfyrwyr ymgysylltu mewn sawl ffordd, er enghraifft yn gydamserol, neu'n anghydamserol trwy adnoddau ar-lein?<\/span><\/p>\n

\u2022 A yw staff a myfyrwyr yn cyflwyno deunyddiau a gwybodaeth mewn amrywiaeth o ddulliau?<\/span><\/p>\n

\u2022 A yw myfyrwyr yn gallu mynegi'r hyn y maen nhw\u2019n ei wybod mewn amrywiaeth o ffurfiau?<\/span><\/p>\n

\u2022 Os nad oes modd cynnig dewis neu hyblygrwydd wrth asesu oherwydd gofynion eich corff proffesiynol, statudol a rheoleiddio, neu ofynion eich rhaglen, a ydych yn cynnig dull datblygu sgiliau sy\u2019n atgyfnerthu\u2019r hyn a ddysgwyd yn flaenorol sy\u2019n cynnwys cyfleoedd risg isel i ymarfer ac yn rhoi adborth?<\/span><\/p>\n <\/div>\n <\/div> \n\n \n

Mae pontio a llais y myfyriwr yn ystyriaethau canolog. Mae prosesau sefydlu, asesiadau ffurfiannol cynnar, a chyfleoedd strwythuredig i roi adborth yn gwneud yn si\u0175r bod myfyrwyr yn gallu llywio’r rhaglen yn llwyddiannus. Cewch ragor o wybodaeth am bontio ar y wefan Pontio Myfyrwyr Sharepoint hon.<\/p>\n

Mae ymgysylltu\u2019n barhaus \u00e2 chynrychiolwyr myfyrwyr a mecanweithiau gwerthuso ac adborth yn gwneud yn si\u0175r bod rhaglenni’n parhau i fod yn ymatebol, yn berthnasol ac yn effeithiol wrth ddiwallu anghenion dysgwyr. Cewch ragor o wybodaeth am Ymgysylltu \u00e2 Myfyrwyr ar y dudalen Ymgysylltu \u00e2 Myfyrwyr ar y fewnrwyd.<\/p>\n

Integreiddio \u00e2 Rhinweddau Graddedigion<\/strong><\/h3>\n

Er mai modiwlau yw’r prif gyfrwng dysgu, mae’r dyluniad ar lefel rhaglenni yn gwneud yn si\u0175r bod Rhinweddau Graddedigion wedi’u hymgorffori ar draws profiad y myfyriwr<\/strong>. Mae arferion cydweithredol, myfyriol, ymwybodol o foesoldeb, ac arloesol yn cael eu meithrin nid yn unig drwy weithgareddau dysgu penodol ond hefyd drwy strwythur rhaglenni, dilyniannu, a chynllunio asesiadau. Drwy integreiddio Rhinweddau Graddedigion \u00e2 chynnwys disgyblaethol, mae rhaglenni’n cynhyrchu graddedigion sydd nid yn unig yn gymwys yn academaidd ond hefyd yn alluog yn broffesiynol ac yn gyfrifol yn gymdeithasol.<\/p>\n

Casgliad<\/strong><\/h3>\n

Mae dyluniad, strwythur a dull cyflwyno rhaglenni ym Mhrifysgol Caerdydd yn fwriadol, yn gydlynol, ac yn canolbwyntio ar y myfyriwr. O’r rhesymeg gychwynnol y tu \u00f4l iddi hyd at ei chymeradwyo a’i rhoi ar waith yn y pen draw, mae dyluniad y rhaglen yn integreiddio gwybodaeth ddisgyblaethol, Rhinweddau Graddedigion, cynhwysiant, cynaliadwyedd, ac yn alinio asesiadau. Mae’r asgwrn cefn craidd gweladwy, dilyniant gofalus o fodiwlau, a deilliannau sydd wedi’u mapio yn gwneud yn si\u0175r bod myfyrwyr yn symud ymlaen drwy gwricwlwm cydlynol ac atgyfnerthol. Drwy ymgorffori Aliniad Adeiladol, meithrin profiadau dysgu dilys, a hyrwyddo graddedigion myfyriol, annibynnol, a chyfrifol yn gymdeithasol, mae Prifysgol Caerdydd yn gwneud yn si\u0175r bod pob rhaglen yn darparu addysg o ansawdd uchel, a gydnabyddir yn rhyngwladol, ac sy’n berthnasol yn broffesiynol.<\/p>\n

2.Deilliannau Dysgu Rhaglenni a Rhinweddau Graddedigion<\/strong><\/h2>\n

Yn ei hanfod, mae dylunio rhaglen astudio yn ymwneud \u00e2 diffinio’r galluoedd y dylai myfyrwyr eu dangos ar \u00f4l graddio. Ym Mhrifysgol Caerdydd, mae hyn yn cael ei fynegi drwy Ddeilliannau Dysgu Rhaglenni (PLOs)<\/strong>, sy’n gosod y safon ar gyfer yr hyn y disgwylir i fyfyrwyr ei wybod a\u2019i ddeall, ac yn gallu ei wneud erbyn diwedd eu rhaglen. Mae mwy iddyn nhw na datganiadau o\u2019r wybodaeth sydd wedi\u2019i chaffael; maen nhw\u2019n cwmpasu’r sgiliau deallusol, ymarferol a throsglwyddadwy sy’n ffurfio proffil cyfannol myfyriwr graddedig.<\/p>\n

Mae Deilliannau Dysgu Rhaglenni (PLOs) yn rhoi’r fframwaith sy\u2019n sail ar gyfer llunio\u2019r cwricwla o’i gwmpas, gan roi eglurder i fyfyrwyr, staff a rhanddeiliaid allanol fel cyrff achredu a chyflogwyr. Maen nhw\u2019n llywio strategaethau addysgu, yn dylunio asesiadau, ac yn gwerthuso rhaglenni. Mae\u2019n gwneud yn si\u0175r bod y rhaglen yn parhau i fod yn gydlynol, yn flaengar, ac yn cyd-fynd \u00e2 blaenoriaethau sefydliadol a safonau cenedlaethol (Biggs a Tang, 2011; Purvis a Winwood, 2023).<\/p>\n

Swyddogaeth Deilliannau Dysgu wrth Ddylunio Rhaglenni<\/strong><\/h3>\n

Y deilliannau hyn yw\u2019r prif bwynt cyfeirio mewn dull dylunio am yn \u00f4l<\/strong>, sy’n dechrau gyda’r diwedd mewn golwg. Mae’r dull hwn yn gwneud yn si\u0175r bod pob modiwl, gweithgaredd ac asesiad o fewn y rhaglen yn cyfrannu’n ystyrlon at y deilliannau mewn golwg. Dyma egwyddor sydd wedi’i gwreiddio yn namcaniaeth aliniad adeiladol<\/strong> (Biggs, 1996). Yng Nghaerdydd, anogir timau rhaglenni i ystyried proffil y graddedigion yn gyntaf a gweithio am yn \u00f4l i ddiffinio deilliannau dysgu modiwlau, gweithgareddau dysgu, a strategaethau asesu sydd, gyda’i gilydd, yn galluogi myfyrwyr i gyflawni’r deilliannau hynny.<\/p>\n

Mae aliniad adeiladol yn atgyfnerthu cydlyniant y daith ddysgu, gan wneud yn si\u0175r bod profiadau dysgu myfyrwyr yn bwrpasol ac yn gronnus. Er enghraifft, gall modiwlau cyflwyniadol ganolbwyntio ar wybodaeth sylfaenol, gall modiwlau lefel ganolig bwysleisio elfennau cymhwyso a dadansoddi, ac mae prosiectau i gloi yn integreiddio cyfosod ac arloesedd. Drwy strwythuro dysgu yn y modd blaengar hwn, mae rhaglenni’n meithrin dealltwriaeth ddofn ac yn datblygu sgiliau. Gwneir hyn yn unol \u00e2 disgrifyddion lefel FHEQ<\/strong>, sy’n diffinio disgwyliadau o ran cymhlethdod, annibyniaeth, a soffistigedigrwydd deallusol ar bob lefel (QAA, 2024) (qaa.ac.uk<\/a>).<\/p>\n

Categoreiddio Deilliannau Dysgu Rhaglenni<\/strong><\/h3>\n

Mae Prifysgol Caerdydd yn dosbarthu deilliannau dysgu yn bedwar prif faes: Gwybodaeth a Dealltwriaeth, Sgiliau Deallusol, Sgiliau Proffesiynol\/Ymarferol, <\/strong>a Sgiliau Trosglwyddadwy neu Allweddol<\/strong>. Mae’r fframwaith hwn yn rhoi strwythur cyfannol sy’n cydbwyso gwybodaeth ddisgyblaethol \u00e2 sgiliau sy’n hanfodol ar gyfer cyflogaeth ac ymgysylltiad dinesig.<\/p>\n

Mae deilliannau Gwybodaeth a Dealltwriaeth yn disgrifio’r cynnwys disgyblaethol y disgwylir i fyfyrwyr ei ddeall. Mae Sgiliau Deallusol yn cwmpasu dadansoddi, gwerthuso a datrys problemau, gan adlewyrchu gallu myfyrwyr i ymgysylltu’n feirniadol \u00e2 gwybodaeth a thystiolaeth. Mae Sgiliau Proffesiynol neu Ymarferol yn ymwneud \u00e2 chymhwyso gwybodaeth ddisgyblaethol mewn cyd-destunau proffesiynol neu ddilys. Mae Sgiliau Trosglwyddadwy yn cynnwys cyfathrebu, cydweithio, myfyrio a hunanreolaeth, gan wneud yn si\u0175r bod graddedigion yn gallu addasu ac yn wydn.<\/p>\n

Deilliannau Graddedigion fel yr Edefyn Integreiddio<\/strong><\/h3>\n

Mae datblygu Deilliannau Graddedigion <\/strong>yn rhan annatod o athroniaeth ddylunio cwricwlwm Caerdydd ac mae\u2019n “edefyn aur” sy’n rhedeg drwy brofiad y myfyriwr. Dyluniwyd y rhinweddau hyn\u2014Cydweithredol, Cyfathrebwyr Effeithiol, Ymwybyddiaeth Foesegol, Gymdeithasol ac Amgylcheddol, Meddylwyr Annibynnol a Beirniadol, Arloesol a Mentrus, Myfyriol a Gwydn\u2014mewn cydweithrediad \u00e2 myfyrwyr, academyddion a chyflogwyr, i adlewyrchu’r galluoedd sydd eu hangen ar raddedigion yn eu bywydau personol, proffesiynol a chymdeithasol.<\/p>\n

Nid yw Rhinweddau Graddedigion yn cael eu trin fel elfennau atodol; yn hytrach, maen nhw wedi’u hymgorffori ym mhob agwedd ar y cwricwlwm. Er enghraifft, gall modiwl mewn polisi amgylcheddol ddatblygu ymwybyddiaeth foesegol a chymdeithasol drwy ddadansoddi astudiaethau achos yn feirniadol, meithrin arloesedd drwy ymarferion dylunio polis\u00efau, yn ogystal \u00e2 datblygu sgiliau cyfathrebu drwy gyflwyniadau gr\u0175p. Drwy fynd ati\u2019n fwriadol i gysylltu Deilliannau Dysgu Rhaglenni \u00e2 Rhinweddau Graddedigion, mae dylunwyr rhaglenni’n gwneud yn si\u0175r bod myfyrwyr yn gymwys yn academaidd ac yn meddu ar y cymwyseddau a ddisgwylir gan gyflogwyr a chyrff proffesiynol.<\/p>\n

Rhoi’r Aliniad rhwng Deilliannau Dysgu Rhaglenni a Rhinweddau Graddedigion ar waith<\/strong><\/h3>\n

Mae\u2019r aliniad hwn yn cael ei roi ar waith drwy ddefnyddio offer fel Map<\/strong> y Rhinweddau Graddedigion<\/strong>.<\/a> Mae hyn yn caniat\u00e1u i fyfyrwyr a staff ddelweddu’r cysylltiadau rhwng modiwlau penodol, Deilliannau Dysgu Rhaglenni, a’r rhinweddau y maen nhw\u2019n eu meithrin. Drwy ddefnyddio’r map, gall myfyrwyr weld sut mae dilyniant modiwlau yn datblygu eu harbenigedd pwnc a’u galluoedd trosglwyddadwy, gan ategu dysgu myfyriol a chynllunio datblygiad personol.<\/p>\n

Nodweddion Graddedigion Prifysgol Caerdydd yw:<\/strong><\/p>\n

\"A<\/figure>\n