Mae ymgorffori cyflogadwyedd yn y cwricwlwm yn gyfle i gyfoethogi profiad y myfyriwr trwy gynllunio gweithgareddau dysgu cyffrous a diddorol sy’n datblygu ystod ehangach o sgiliau a phriodoleddau. Gall gefnogi myfyrwyr i ddatblygu mwy o werthfawrogiad o’u disgyblaeth pwnc, cymryd rhan mewn profiadau dilys a’u paratoi’n well ar gyfer byd gwaith. Ar ben hynny, gall helpu staff i ddiogelu eu rhaglenni at y dyfodol, gwella canlyniadau NSS a chynyddu nifer y graddedigion sy’n sicrhau canlyniadau lefel broffesiynol.

I ddysgu mwy am y dull sefydliadol o ymdrin â chyflogadwyedd, darllenwch ein Fframwaith Dyfodol Myfyrwyr.

Wrth ddatblygu rhaglenni newydd, gwneud newidiadau i’r rhaglenni presennol neu fynd drwy ailddilysu, bydd angen i ysgolion ystyried sut mae cyflogadwyedd yn rhan annatod o’u dysgu a’u haddysgu a dangos sut mae priodoleddau graddedigion yn cael eu hintegreiddio a’u hamlygu i fyfyrwyr.

O’r herwydd, bydd gofyn i chi gwblhau Adolygiad Cyflogadwyedd a Rhinweddau Graddedigion, y gallwch ei gyrchu gan ddefnyddio’r botwm isod.

Templed Adolygu Cyflogadwyedd a Rhinweddau Graddedigion
Datblygwyd y wefan hon gan Student Futures i gefnogi Ysgolion i gynnal adolygiad cyfannol o’u darpariaeth cyflogadwyedd fel rhan o’r broses cymeradwyo ac ailddilysu rhaglenni. Fel aelodau o’r Is-bwyllgor Cymeradwyo ac Ailddilysu Rhaglenni (PARSC), ein rôl ni yw gweithio gyda’r noddwyr academaidd a’r timau rhaglenni i gwblhau’r adolygiad a sicrhau bod pob agwedd ar gyflogadwyedd wedi’i chynnwys yn briodol yn y dogfennau cyflwyno.