{"id":1279,"date":"2024-02-02T11:48:44","date_gmt":"2024-02-02T11:48:44","guid":{"rendered":"https:\/\/sites.cardiff.ac.uk\/student-futures-framework\/?page_id=1279"},"modified":"2024-04-23T14:58:11","modified_gmt":"2024-04-23T13:58:11","slug":"defnyddior-fframwaith-dyfodol-myfyrwyr-using-the-student-futures-framework","status":"publish","type":"page","link":"https:\/\/sites.cardiff.ac.uk\/student-futures-framework\/cy\/fframwaith-dyfodol-myfyrwyr-student-futures-framework\/defnyddior-fframwaith-dyfodol-myfyrwyr-using-the-student-futures-framework\/","title":{"rendered":"Defnyddio’r Fframwaith Dyfodol Myfyrwyr"},"content":{"rendered":"

Archwilio’r pedwar cam o ymgorffori cyflogadwyedd ym mhrofiad y myfyrwyr.<\/h4>\n

Nod Fframwaith Dyfodol Myfyrwyr yw galluogi cyflogadwyedd i gael ei integreiddio’n llawn i brofiad y myfyrwyr drwy’r 4 cyfnod allweddol a nodwyd gan Advance HE.<\/p>\n

\"\"<\/figure>\n

Fframweithiau AU Advance (2019) (02): Ymgorffori Cyflogadwyedd mewn Addysg Uwch.<\/p>\n

I gael hygyrchedd llawn, lawrlwythwch y ddogfen Advance HE Framework for enterprise and entrepreneurship education<\/a>
\n

\n

\n Chevron right<\/title>\n <\/path>\n<\/svg> Cam 1: Diffinio Cyflogadwyedd <\/h2>

O fewn y fframwaith hwn, mae Dyfodol Myfyrwyr yn defnyddio'r term 'Cyflogadwyedd' i gwmpasu gweithgarwch Menter, Lleoliadau a Symudedd Rhyngwladol. Diffinnir y termau hyn yn yr adran Diffinio Cyflogadwyedd<\/a>.<\/p>\n<\/div> <\/div>

\n

\n Chevron right<\/title>\n <\/path>\n<\/svg> Cam 2: Archwilio a Mapio<\/h2>

Mae Dyfodol Myfyrwyr yn annog ysgolion i gynnal adolygiad eang a chyfannol o'u darpariaeth Cyflogadwyedd. Gall y pedwar Llinyn Cyflogadwyedd fod yn fan cychwyn defnyddiol ar gyfer mapio lle mae rhaglen yn darparu arfer da a lle mae bylchau i fynd i\u2019r afael \u00e2 nhw.<\/p>\n

Er mwyn i Rinweddau Graddedigion<\/a> gael effaith, mae angen i fyfyrwyr allu eu gweld a deall eu pwysigrwydd. Yn ddelfrydol, dylai'r rhinweddau fod yn 'llinyn aur' wedi'i blethu drwy bob agwedd ar brofiad y myfyriwr. Mae recriwtiaid graddedigion yn dweud bod gan fyfyrwyr gyfoeth o gyflawniadau a phrofiadau yn aml, ond nid ydynt yn gallu troi'r rhain yn sgiliau a phriodoleddau y mae cyflogwyr yn chwilio amdanynt, felly nid ydynt yn gallu eu mynegi yn eu CV, proffil LinkedIn, ceisiadau neu mewn cyfweliad.<\/p>\n

Bydd llawer o'r rhinweddau eisoes wedi'u hymgorffori mewn rhaglenni academaidd. Felly, mae angen eu hamlygu a'u cydnabod. Y dull a argymhellir yw mapio'r rhinweddau yn erbyn y wybodaeth a'r sgiliau allweddol a enillwyd ar bob modiwl. Gall Dyfodol Myfyrwyr roi templed i ysgolion i gefnogi\u2019r broses fapio. Pan nodir bylchau, gall fod opsiynau i ymgorffori gweithgareddau ychwanegol a pherthnasol yn y rhaglen, neu gyfeirio'r gweithgareddau allgyrsiol y gall myfyrwyr eu cyflawni er mwyn cael profiad sy'n berthnasol i'r rhinweddau.<\/p>\n

Gellir datblygu Mapiau Rhinweddau Graddedigion<\/a> mewn cydweithrediad ag ysgolion i helpu myfyrwyr i ddeall beth yw'r rhinweddau, pam maent yn bwysig, lle gallant eu hennill yn eu rhaglen astudio, a pha weithgareddau allgyrsiol sydd ar gael i ddatblygu priodoleddau ymhellach neu fynd i'r afael ag unrhyw fylchau. Darperir gwybodaeth hefyd am y gefnogaeth a'r cyfleoedd ychwanegol sydd ar gael drwy wasanaeth Dyfodol Myfyrwyr. Mae'r mapiau hefyd yn adnodd i gefnogi tiwtoriaid personol a staff Dyfodol Myfyrwyr i gael sgyrsiau gwybodus gyda myfyrwyr am ddatblygiad eu gyrfaoedd. Yn nodweddiadol, bydd mapiau'n cael eu datblygu yn dilyn y broses cymeradwyo ac ailddilysu rhaglenni, ond gall ysgolion ofyn am un ar unrhyw adeg.<\/p>\n<\/div> <\/div>

\n

\n Chevron right<\/title>\n <\/path>\n<\/svg> Cam 3: Blaenoriaethu camau gweithredu<\/h2>

Mae Fframwaith Dyfodol Myfyrwyr wedi'i gynllunio i helpu i newid o weithio mewn ffordd ymatebol a thrafodol, i ddull mwy strategol. Prif nod y Fframwaith yw ymgorffori gweithgareddau cyflogadwyedd yn y cwricwlwm sy'n hygyrch, yn effeithiol ac yn gynaliadwy, yn ogystal \u00e2 rhoi'r sgiliau a'r rhinweddau sydd eu hangen ar fyfyrwyr i ddatblygu eu gyrfa yn y dyfodol. Bydd gan weithgareddau allgyrsiol r\u00f4l bwysig bob amser, ond nid pob myfyriwr sy'n dewis cymryd rhan ac nid yw rhai'n gallu cymryd rhan oherwydd cyfrifoldebau y tu allan i fywyd prifysgol, neu'r angen i ennill incwm. Un o brif heriau Dyfodol Myfyrwyr yw\u2019r ffaith mai'r myfyrwyr mwyaf galluog sy\u2019n aml yn defnyddio'r gwasanaeth ac yn manteisio ar yr ystod lawn o gyfleoedd allgyrsiol.<\/p>\n

Fel y cyfryw, bydd Dyfodol Myfyrwyr yn blaenoriaethu darpariaeth o fewn y cwricwlwm, yn enwedig ar fodiwlau craidd sy'n cynnig credydau sy'n drawsddisgyblaethol ac sydd wedi'u targedu at gr\u0175p DPA\u2019r Tablau Cynghrair, h.y. myfyrwyr cartref, amser llawn, gradd gyntaf. Bydd cymorth hefyd yn cael ei flaenoriaethu ar gyfer ysgolion sy'n datblygu rhaglenni newydd neu'n ymgymryd ag ailddilysu. Bydd y t\u00eem yn gweithio mewn partneriaeth \u00e2 thimau academaidd sy\u2019n arwain ar y broses cymeradwyo ac ailddilysu rhaglenni, gan ddarparu cymorth ymgynghorol mewn perthynas ag ymgorffori gweithgareddau cyflogadwyedd wrth gynllunio rhaglenni ac asesiadau. I hwyluso hyn, bydd Dyfodol Myfyrwyr yn cyfyngu ar faint o ddarpariaeth mewn ysgolion nad yw wedi\u2019i hamserlennu ar gyfer myfyrwyr, gan fod profiad yn dangos mai\u2019r gweithgareddau hyn sy\u2019n cael y nifer leiaf o fynychwyr ac sy\u2019n cael yr effaith leiaf.<\/p>\n

Er nad oes dull \u2018un maint i bawb\u2019 o ymgorffori cyflogadwyedd yn y cwricwlwm, mae\u2019r tabl canlynol yn defnyddio model \u2018Archwilio, Datblygu, Cystadlu\u2019 i amlygu ystod o anghenion datblygu cysylltiedig \u00e2 chyflogadwyedd a allai fod gan fyfyrwyr ynghyd ag amrywiaeth o weithgareddau a awgrymir y gellid eu hymgorffori yn eu dysgu i'w helpu i fynd i'r afael \u00e2'r anghenion hynny.<\/p>\n

Model Archwilio, Datblygu, Cystadlu o Weithgareddau Cyflogadwyedd<\/p>\n\n\n\n\n\n\n
Cyfnod datblygiadol<\/strong><\/td>\nAngen Datblygu<\/strong><\/td>\nGweithgareddau cwricwlaidd a awgrymir<\/strong><\/td>\n<\/tr>\n
ARCHWILIO<\/td>\n\n
    \n
  • Hunanymwybyddiaeth<\/li>\n
  • Ystyried gyrfaoedd<\/li>\n
  • Ymchwil sector\/diwydiant<\/li>\n
  • Cynllunio eich gyrfa<\/li>\n
  • Amlygiad proffesiynol<\/li>\n<\/ul>\n<\/td>\n
\n
    \n
  • Proffilio personoliaeth ac asesu rhinweddau graddedigion<\/li>\n
  • Cynllunio datblygiad gyrfa<\/li>\n
  • Cyflwyniadau gan gyflogwyr \/ paneli diwydiant<\/li>\n
  • Mewnwelediadau i fyd gwaith fel diwrnodau rhaglas ar waith, teithiau maes neu Ffeiriau Gyrfa<\/li>\n<\/ul>\n<\/td>\n<\/tr>\n
DATBLYGU<\/td>\n\n
    \n
  • Sgiliau chwilio am gyfleoedd<\/li>\n
  • Sgiliau cyfryngau cymdeithasol proffesiynol<\/li>\n
  • Sgiliau rhwydweithio proffesiynol<\/li>\n
  • Sgiliau menter ac entrepreneuriaeth<\/li>\n
  • Sgiliau ymarferol (gradd-benodol)<\/li>\n
  • Profiad gwaith<\/li>\n
  • Hyfforddiant a chymwysterau proffesiynol<\/li>\n
  • Cwrteisi proffesiynol<\/li>\n
  • Ymwybyddiaeth fyd-eang a chymhwysedd diwylliannol<\/li>\n
  • Gwerthoedd dinasyddiaeth fyd-eang a chyfrifoldeb cymdeithasol<\/li>\n
  • Sgiliau ymgysylltu cymunedol<\/li>\n<\/ul>\n<\/td>\n
\n
    \n
  • Lleoliadau gwaith integredig<\/li>\n
  • Prosiectau menter integredig<\/li>\n
  • Prosiectau busnes byw<\/li>\n
  • Briffiau \/ astudiaethau achos diwydiant<\/li>\n
  • Gwobr Caerdydd Integredig<\/li>\n
  • Blwyddyn mewn Diwydiant trwy raglen Blwyddyn<\/li>\n
  • Lleoliad Proffesiynol<\/li>\n
  • Blwyddyn Astudio\/Gweithio Dramor trwy'r T\u00eem Cyfleoedd Byd-eang<\/li>\n<\/ul>\n<\/td>\n<\/tr>\n
CYSTADLU<\/td>\n\n
    \n
  • Sgiliau ysgrifennu CV a cheisiadau<\/li>\n
  • Sgiliau cyfweliad<\/li>\n
  • Sgiliau seicometrig a phrofi tueddfryd<\/li>\n
  • Parodrwydd am hunangyflogaeth<\/li>\n<\/ul>\n<\/td>\n
\n