{"id":1240,"date":"2023-09-14T11:36:05","date_gmt":"2023-09-14T10:36:05","guid":{"rendered":"https:\/\/sites.cardiff.ac.uk\/futures-online\/?page_id=1240"},"modified":"2024-07-31T11:07:13","modified_gmt":"2024-07-31T10:07:13","slug":"rhwydweithio-a-chyfryngau-cymdeithasol-networking-and-social-media","status":"publish","type":"page","link":"https:\/\/sites.cardiff.ac.uk\/studentfuturesplus\/cy\/sgiliau-a-phriodoleddau-skills-and-attributes\/rhwydweithio-a-chyfryngau-cymdeithasol-networking-and-social-media\/","title":{"rendered":"Rhwydweithio a chyfryngau cymdeithasol"},"content":{"rendered":"

Mae rhwydweithio yn sg\u00ecl hanfodol y bydd ei angen arnoch i reoli’ch gyrfa yn effeithiol, ond nid yw bob amser yn hawdd gwybod ble i ddechrau. Er nad yw llawer o bobl yn mwynhau’r syniad o rwydweithio (ac yn aml yn mynd o’u ffordd i\u2019w osgoi), does dim angen iddo fod yn frawychus! Yn ei graidd, mae rhwydweithio yn ymwneud \u00e2 chyfathrebu a meithrin perthnasoedd, a byddwch eisoes yn gwneud hynny yn ddyddiol gydag ystod eang o bobl. Mae gennych rwydwaith eisoes, sy’n debygol o gynnwys teulu, ffrindiau, cymdogion, cyflogwyr a chydweithwyr, ond mae’r brifysgol yn adeg wych i fireinio’ch sgiliau rhwydweithio ac ehangu eich cysylltiadau personol a phroffesiynol.<\/p>\n

Yr hyn sy’n gwneud rhwydweithio yn offeryn mor bwerus ar gyfer eich gyrfa yw nad ydych byth yn gwybod pwy o fewn eich rhwydwaith all eich helpu chi, na phryd. O gael cyngor, cymorth a mentora, i gael mynediad at swyddi neu brofiad gwaith, mae rhwydweithio yn dod \u00e2 llawer o fanteision. Gall rhwydweithio ddigwydd drwy deulu a ffrindiau mewn sefyllfa anffurfiol yn ogystal \u00e2 mwy ffurfiol megis mewn ffair yrfaoedd neu yn ystod cwrs hyfforddi neu gynhadledd. Yn fwy aml yn yr oes ddigidol, mae rhwydweithio yn digwydd ar-lein trwy’r cyfryngau cymdeithasol a LinkedIn.<\/p>\n

Mae rhwydweithio yn seiliedig ar y cwestiwn ‘Sut alla i helpu?’, yn hytrach na ‘Beth alla i ei gael?’ a phan fyddwch chi’n meithrin cysylltiadau, mae’n bwysig meddwl sut y gallwch chi helpu pobl eraill hefyd. Mae Tupper ac Ellis yn defnyddio’r term ‘karma gyrfa’ i adlewyrchu natur ddwyochrog rhwydweithio:
\n\n\n

\n \n \n
\n Mae'n bwysig cofio mai pobl yn helpu pobl yw rhwydweithio yn y b\u00f4n... Er mwyn meithrin rhwydwaith effeithiol mae angen i chi fod yn glir am yr hyn y gallwch ei roi sy'n werthfawr i bobl a bod yn benodol ynghylch pa gymorth y mae ei angen arnoch a chan bwy. Os byddwch yn dechrau drwy fod yn gefnogol i bobl eraill, byddwch yn dechrau meithrin perthnasoedd a all fod yn drawsnewidiol i'ch gyrfa. <\/blockquote>\n
\n \n Tupper, H. and Ellis, S., 2020. The Squiggly Career (pp 103-104)<\/cite>\n \n\n <\/figcaption>\n<\/figure><\/p>\n

Awgrymiadau defnyddiol ar gyfer rhwydweithio<\/h4>\n
\n

\n Chevron right<\/title>\n <\/path>\n<\/svg> Ymchwilio a pharatoi <\/h2>

Wrth rwydweithio gyda darpar gyflogwyr, er enghraifft mewn ffair yrfaoedd, mae'n bwysig treulio peth amser yn meddwl am yr hyn y byddwch chi'n ei ddweud a sut y byddwch chi'n cyflwyno'ch hun.<\/p>\n<\/div> <\/div>

\n

\n Chevron right<\/title>\n <\/path>\n<\/svg> Bod yn hyderus<\/h2>

Darllenwch yr awgrymiadau defnyddiol hyn<\/a> ar gyfer goresgyn ofnau cyffredin am rwydweithio. Gall cyflwyniad byr fod yn ddefnyddiol mewn senarios rhwydweithio mwy ffurfiol, ond nid yw'r sgwrs yn dod i ben ar \u00f4l i chi gyflwyno'ch hun! Gallwch ddatblygu hyder yn eich sgiliau sgwrsio trwy ofyn cwestiynau ac ymateb i gwestiynau.<\/p>\n<\/div> <\/div>

\n

\n Chevron right<\/title>\n <\/path>\n<\/svg> Ymarfer <\/h2>

Mireiniwch eich sgiliau cyfathrebu trwy ymarfer. Trwy Ddyfodol Myfyrwyr<\/a>, gallech wneud cais i ymuno \u00e2'r cynllun mentora, mynd i amrywiaeth eang o ddigwyddiadau cyflogwyr, cael profiad gwaith a chael cyngor mewn apwyntiadau gyrfaoedd. Bydd cymryd rhan yn y gweithgareddau hyn yn eich galluogi i ymarfer cyfathrebu'n broffesiynol, boed hynny gyda Chynghorydd Gyrfaoedd neu gyflogwr. Mae bod yn gyfathrebwr effeithiol yn rhinwedd graddedig allweddol rydych chi'n ei datblygu tra byddwch yn y brifysgol<\/a>.<\/p>\n<\/div> <\/div><\/div>\n

Defnyddio\u2019r cyfryngau cymdeithasol a LinkedIn i rwydweithio<\/h4>\n

Mae mwy o gyflogwyr nag erioed yn defnyddio’r cyfryngau cymdeithasol i ddod o hyd i\u2019r ymgeiswyr cywir, sy\u2019n eu gwneud yn fforwm hanfodol i hysbysebu eich sgiliau, sefydlu eich brand ar-lein, rhwydweithio gyda chysylltiadau a throi darpar gysylltiadau rhithwir yn gyfleoedd gwaith bywyd go iawn. 89% o gyflogwyr Mae llawer o gyflogwyr bellach yn cynnal gwiriadau cefndir ar ymgeiswyr:<\/p>\n\n\n

\n \n \n
\n Mae gwirio'r cyfryngau cymdeithasol bellach yn rhan safonol o sgrinio cyn cyflogaeth. Yn \u00f4l ymchwil ddiweddar gan YouGov, mae hyd at 80% o gyflogwyr yn debygol o wirio cyfrifon cyfryngau cymdeithasol ymgeisydd fel rhan o'u gweithdrefn recriwtio a chynefino. <\/blockquote>\n
\n \n YouGov, 2023. Would Britons be willing to share their social media profiles with employers?<\/cite>\n \n\n <\/figcaption>\n<\/figure>\n

Dyma pam ei bod mor bwysig gwirio’ch \u00f4l troed digidol a gweld beth sy’n weladwy yn gyhoeddus amdanoch chi ar-lein. Y ffordd orau o wneud hyn yw chwilio amdanoch eich hun a gweld beth sy’n codi! Mae hefyd yn syniad da sicrhau bod cyfrifon personol ar y cyfryngau cymdeithasol yn breifat a chreu cyfrifon ar wah\u00e2n y gallwch eu defnyddio’n broffesiynol yn unig.<\/p>\n

X, Facebook, Instagram a TikTok<\/h4>\n

Gall llwyfannau cyfryngau cymdeithasol mwy anffurfiol fod yn ddefnyddiol o hyd ar gyfer rhwydweithio a datblygiad eich gyrfa. Cyn i chi ddechrau, meddyliwch am eich nodau a’ch dyheadau gyrfaol a’r hyn rydych chi’n gobeithio ei gyflawni trwy ddefnyddio platfform cyfryngau cymdeithasol ar gyfer datblygiad eich gyrfa. Gyda’r platfformau a restrir isod, gallwch greu hunaniaeth broffesiynol glir a brand ar-lein, trwy bethau fel proffil a delwedd broffesiynol a’r ffordd rydych chi’n ymgysylltu \u00e2 chynnwys.<\/p>\n

Dyma rai awgrymiadau defnyddiol sydd wedi’u teilwra i bob platfform cyfryngau cymdeithasol a restrir isod:<\/p>\n