{"id":1255,"date":"2023-09-22T10:50:52","date_gmt":"2023-09-22T09:50:52","guid":{"rendered":"https:\/\/sites.cardiff.ac.uk\/futures-online\/?page_id=1255"},"modified":"2024-08-02T06:53:46","modified_gmt":"2024-08-02T05:53:46","slug":"swyddi-rhan-amser-part-time-jobs","status":"publish","type":"page","link":"https:\/\/sites.cardiff.ac.uk\/studentfuturesplus\/cy\/swyddi-a-phrofiad-jobs-and-experience\/swyddi-rhan-amser-part-time-jobs\/","title":{"rendered":"Swyddi rhan-amser"},"content":{"rendered":"

Mae llawer o fyfyrwyr yn gwneud swyddi rhan-amser ochr yn ochr \u00e2’u hastudiaethau. Gall swydd ran-amser wneud cyllidebu yn y brifysgol yn haws, ac mae’n ffordd wych o feithrin sgiliau cyflogadwyedd pwysig y mae cyflogwyr graddedigion yn chwilio amdanynt<\/a>, megis rheoli amser, sgiliau cyfathrebu a gwaith t\u00eem. Gall ennill profiad mewn gweithle go iawn hefyd eich helpu i ddatblygu eich ymwybyddiaeth fasnachol<\/a> a\u2019ch dealltwriaeth o\u2019r modd y mae busnesau\u2019n gweithio.<\/p>\n

Er mwyn cynnal cydbwysedd da \u00e2’ch astudiaethau, mae Prifysgol Caerdydd yn argymell peidio \u00e2 gweithio mwy na 15 awr yr wythnos, ac os ydych yn fyfyriwr rhyngwladol, bydd yna gyfyngiadau penodol ynghlwm wrth eich fisa ynghylch faint o oriau yr wythnos y gallwch weithio.<\/p>\n

Er bod llawer o\u2019n cyngor ar chwilio am swydd<\/a> ac ysgrifennu CV, ceisiadau a chyfweliadau<\/a> yn dal i fod yn berthnasol, darllenwch ein cyngor ar y dudalen hon i\u2019ch helpu i addasu eich dull o chwilio am swyddi rhan-amser yn benodol.<\/p>\n

Rolau Rhan-Amser Cyffredin<\/h4>\n

Mae swyddi rhan-amser o’r math achlysurol a hyblyg sy’n aml yn ofynnol gan fyfyrwyr prifysgol yn gyffredin mewn rhai diwydiannau, megis m\u00e2n-werthu (siopau ac archfarchnadoedd) a lletygarwch (tafarndai, siopau coffi a bwytai). Mae rolau rhan-amser poblogaidd eraill yn cynnwys gwaith hyrwyddo ar gyfer nosweithiau myfyrwyr, rolau llysgenhadon brand, a rolau cyfieithu llawrydd.<\/p>\n

Mae rhai swyddi rhan-amser hefyd yn dymhorol iawn, sy\u2019n golygu bod yna alw llawer uwch amdanynt ar adegau penodol o\u2019r flwyddyn, fel arfer yn ystod yr haf<\/a> ac yn y cyfnod sy\u2019n arwain at y Nadolig<\/a>.<\/p>\n

Dod o hyd i Swyddi Rhan-Amser<\/h4>\n

Mae’n syniad da dechrau ymgeisio am swyddi rhan-amser yn gynnar, yn enwedig os ydych yn gwybod y bydd arnoch angen yr incwm o’r swydd i gefnogi eich astudiaethau.<\/p>\n

Fel yn achos chwilio am rolau lefel graddedig<\/a>, rydym yn argymell eich bod yn defnyddio amrywiaeth o ddulliau i sicrhau gwaith rhan-amser:
\n

\n

\n Chevron right<\/title>\n <\/path>\n<\/svg> Chwilio am gyfleoedd gwaith rhan-amser ar y campws<\/h2>

Mae Jobshop<\/a> yn wasanaeth sy\u2019n gysylltiedig ag Undeb Myfyrwyr Prifysgol Caerdydd ac sy\u2019n hysbysebu gwaith achlysurol ym Mhrifysgol Caerdydd, Undeb y Myfyrwyr neu gyda chyflogwyr lleol, swyddi sy\u2019n hyblyg ochr yn ochr \u00e2\u2019ch astudiaethau.<\/p>\n

Gallwch hefyd wneud cais am interniaethau \u00e2 th\u00e2l trwy Dyfodol Myfyrwyr trwy eich Cyfrif Dyfodol Myfyrwyr<\/a>. Gellir cwblhau interniaethau yn hyblyg o hyd ochr yn ochr \u00e2'ch gradd, ond maent yn fwy tebygol o fod yn faes gwaith sy'n gysylltiedig \u00e2'ch maes gradd. Darllenwch ein cyngor ar Brofiad Gwaith<\/a> a'r cyfleoedd sydd ar gael trwy Dyfodol Myfyrwyr.<\/p>\n<\/div> <\/div>

\n

\n Chevron right<\/title>\n <\/path>\n<\/svg> Chwilio am swyddi sy\u2019n cael eu hysbysebu<\/h2>

Defnyddiwch Google i chwilio am 'Swyddi rhan-amser Caerdydd\u2019 i weld pa wefannau a fydd yn ymddangos \u2013 dewiswch y rhai sydd fwyaf defnyddiol i chi a'u gwirio'n rheolaidd. Sefydlwch rybuddion er mwyn i chi gael gwybod am swyddi gwag newydd.<\/p>\n

Mae gwefannau swyddi poblogaidd yn cynnwys TotalJobs<\/a>, Indeed<\/a>, Reed<\/a> a\u00a0Google Jobs<\/a>. StudentJob<\/a> yn wefan a sefydlwyd y benodol ar gyfer myfyrwyr prifysgol sy\u2019n chwilio am swyddi rhan-amser.<\/p>\n<\/div> <\/div>

\n

\n Chevron right<\/title>\n <\/path>\n<\/svg> Gwneud cais gobeithiol<\/h2>

Ewch \u00e2'ch CV i fusnesau bach, lleol a gofynnwch a oes ganddynt unrhyw swyddi gwag. Cofiwch fod yr argraff gyntaf yn cyfrif, felly byddwch yn gwrtais a brwdfrydig a cheisiwch ddarganfod pwy yw'r sawl sy\u2019n gwneud penderfyniadau fel y gallwch gwrdd ag ef. Er bod sefydliadau llai yn fwy tebygol o groesawu ceisiadau gobeithiol, mae pob cyflogwr yn hoffi gweld unigolion sy\u2019n rhagweithiol ac yn ddyfal wrth chwilio am swydd, felly peidiwch \u00e2 bod ofn camu y tu hwnt i\u2019r hyn sy\u2019n gysurus i chi a mynd ati i\u2019ch gwerthu eich hun wyneb yn wyneb.<\/p>\n<\/div> <\/div>

\n

\n Chevron right<\/title>\n <\/path>\n<\/svg> Ystyried defnyddio asiantaeth recriwtio<\/h2>

Er bod asiantaethau recriwtio yn tueddu i weithio gyda\u2019r rheiny sy\u2019n chwilio am swyddi dros dro a pharhaol tymor hwy, bydd rhai yn cynnig rolau rhan-amser a allai weithio o amgylch eich astudiaethau neu rolau tymhorol y tu allan i dymor y brifysgol.<\/p>\n

Bydd y cyflogwr yn talu'r asiantaeth recriwtio am ei gwasanaethau, sy'n golygu nad oes yna gost i chi am ei defnyddio. Er y gall bod \u00e2 rhywun yn chwilio am swydd i chi yn rhad ac am ddim ymddangos yn ddeniadol iawn, dylech ddewis a dethol yr asiantaethau a\u2019r ymgynghorwyr recriwtio y byddwch yn partneru \u00e2 nhw. Gofalwch eich bod yn nodi\u2019n glir beth yw eich anghenion a'ch dymuniadau o'r cychwyn cyntaf, a pheidiwch byth \u00e2 theimlo dan bwysau i dderbyn swydd nad oes arnoch ei heisiau. Hefyd, peidiwch ag eistedd \u2019n\u00f4l a gadael i'r asiantaethau wneud y gwaith drosoch! Dylid eu defnyddio ochr yn ochr \u00e2'ch strategaethau eraill ar gyfer chwilio am swyddi.<\/p>\n

Gallwch chwilio am asiantaethau recriwtio ar wefan Agency Central<\/a>. Mae gan Prospects<\/a> hefyd gyngor defnyddiol y dylech ei ddarllen os ydych yn ystyried defnyddio asiantaeth recriwtio.<\/p>\n<\/div> <\/div><\/div><\/p>\n

CV ar gyfer swyddi rhan-amser<\/h4>\n

Bydd eich CV ar gyfer swydd ran-amser yn edrych yn wahanol iawn i CV ar gyfer rolau lefel graddedigion<\/a>. Mae rhai o’r gwahaniaethau allweddol yn cynnwys:<\/p>\n