Cyflwyno cais am swyddi y tu allan i’r byd academaidd

Nodi ffyrdd o chwilio am swyddi y tu allan i'r byd academaidd trwy ddefnyddio dulliau rhagweithiol ac adweithiol.

Mae chwilio am swydd yn sgìl, a thrwy fireinio dull crefftus o chwilio am swyddi, byddwch yn sicrhau eich bod yn gwneud popeth o fewn eich gallu. Gall strategaethau mwy rhagweithiol megis rhwydweithio a dulliau ar hap hefyd eich helpu i gael mynediad i’r farchnad swyddi cudd, y mae rhai amcangyfrifon yn awgrymu mai dyma’r rhan fwyaf o’r farchnad lafur! Er y gall strategaethau chwilio am swydd effeithiol eich helpu i ddod o hyd i rolau ym mhob diwydiant a sector, bydd yr adran hon yn canolbwyntio’n bennaf ar chwilio am swyddi ar gyfer rolau y tu allan i’r byd academaidd. Rydym yn ymdrin â phrosesau recriwtio ar gyfer rolau academaidd yn fanylach mewn mannau eraill ar y wefan hon. Fodd bynnag, dim ond crib y rhewfryn yw chwilio am swyddi a chyfleoedd; er mwyn trosi eich sgiliau yn llwyddiannus i sectorau a diwydiannau gwahanol, dylech ystyried sut y byddwch yn cyflwyno eich hun a’ch sgiliau i gyflogwyr yn y dyfodol. Rydyn ni’n argymell eich bod yn darllen y cymorth helaeth sydd ar gael ar Dyfodol Myfyrwyr+, ac yn benodol yr adnoddau ar ddatblygu hunanymwybyddiaeth, ymchwilio i opsiynau gyrfa a’r farchnad swyddi i raddedigion.

Strategaethau ar gyfer chwilio am swyddi y tu allan i’r byd academaidd

Cyn i chi ddechrau chwilio am unrhyw swyddi, mae’n ddefnyddiol nodi eich sgiliau, eich diddordebau a’ch gwerthoedd yn gyntaf a myfyrio ar y math o rolau y byddech chi’n eu mwynhau. Mae ymchwilio i’ch opsiynau, archwilio gwahanol sectorau swyddi a deall y farchnad lafur ehangach hefyd yn allweddol i ddeall nid yn unig beth yw eich opsiynau, ond sut y gallwch chi farchnata’ch hun yn effeithiol ar gyfer rolau sydd o ddiddordeb i chi. Edrychwch ar adran ‘Cynllunio eich gyrfa’ ar y wefan hon’ch helpu i adnabod eich sgiliau trosglwyddadwy. Rydyn ni’n argymell eich bod yn darllen y cymorth helaeth sydd ar gael ar Dyfodol Myfyrwyr+, ac yn benodol yr adnoddau ar ddatblygu hunanymwybyddiaeth, ymchwilio i opsiynau gyrfa a’r farchnad swyddi i raddedigion.

Wrth wneud cais am gyfleoedd swyddi y tu allan i’r byd academaidd, bydd angen i chi nid yn unig wybod ble i chwilio am y swyddi hyn ond hefyd deall sut i ddangos eich hun a’ch arbenigedd a’ch profiad ym maes ymchwil yn y ffordd orau posibl er mwyn bod yn gystadleuol am y swyddi hyn. Mae gan Dr Chris Humphrey ganllaw defnyddiol ar wneud cais am swyddi y tu allan i’r byd academaidd a phontio o fod yn fyfyriwr doethurol i fod yn gydweithiwr proffesiynol ar ei wefan, Jobs on Toast.

Mae’n argymell dilyn y pedwar cam isod:

Canllaw 4 cam Dr Chris Humphrey i ddod yn ‘gyd-weithiwr proffesiynol’

1

Teitl swydd – Ystyriwch yr hyn yr ydych yn awr yn mynd i alw eich hun yn broffesiynol – beth yw hynny ar ffurf teitl swydd? Chwiliwch am deitlau swyddi a rolau addas yn y sector lle rydych chi’n gwneud cais am waith.

2

Set sgiliau – Myfyriwch ar y sgiliau rydych chi wedi’u hennill oherwydd eich gradd ymchwil / gyrfa ymchwil a pharwch eich set sgiliau i’r sector lle rydych chi’n gwneud cais am waith, e.e. rheoli prosiect, datrys problemau.

3

Profiad gwaith – Ceisiwch gael profiad gwaith nad yw’n academaidd; ailfframiwch amser a dreuliais yn gweithio ar ymchwil mewn iaith sy’n addas i’ch sector targed; cyflwynwch eich doethuriaeth fel profiad ar eich CV (nid yn unig fel profiad ym myd addysg ond fel profiad sylweddol ynddo’i hun).

4

Cymwysterau ac aelodaeth – Gall ennill cymwysterau neu ymuno â chyrff/sefydliadau proffesiynol sy’n berthnasol i’ch sector yn y dyfodol fod yn ddefnyddiol a gall helpu i ddangos eich cyfeiriad gyrfa mewn modd perswadiol i gyflogwyr. Er enghraifft, ennill cymhwyster Sefydliad Siartredig Personél a Datblygu achrededig er mwyn pontio i rolau adnoddau dynol, neu ymuno â’r Gymdeithas Rheoli Prosiectau.

Ble i chwilio am swyddi

Ewch draw i Dyfodol Myfyrwyr+ am gyngor ar ble a sut i chwilio am swyddi, gan gynnwys sut i chwilio am gyfleoedd a hysbysebir a sut i gael mynediad i’r farchnad swyddi cudd.

Gallwch hefyd wylio’r fideo YouTube byr isod am y farchnad swyddi cudd a pham mae cyflogwyr yn ei defnyddio i recriwtio ymgeiswyr addas:

Cymorth i fyfyrwyr ymchwil ôl-raddedig

Os ydych yn fyfyriwr ymchwil ôl-raddedig ym Mhrifysgol Caerdydd ar hyn o bryd, gallwch gael mynediad at wasanaethau cymorth amrywiol i’ch helpu i chwilio am swyddi. Cewch chi wneud y canlynol:

• Trefnu apwyntiad gyrfaoedd i gael cyngor cyfrinachol ac arbenigol drwy eich cyfrif Dyfodol Myfyrwyr
• Cyrchu hysbysfwrdd swyddi Dyfodol Myfyrwyr yn eich cyfrif Dyfodol Myfyrwyr ar gyfer swyddi i raddedigion a chyfleoedd profiad gwaith
• Ymgysylltu â chymorth cyflogadwyedd a sesiynau a gynigir gan yr Academi Ddoethurol