Datblygu Priodoledd i Raddedigion

Er mwyn dangos y rinweddau hon, dylech allu:

• Cyfrannu’n gadarnhaol ac yn effeithiol wrth weithio mewn tîm, ac yn gwneud gwahaniaeth o’r dechrau.
• Dangos brwdfrydedd, a’r gallu i ysgogi eu hunain a dylanwadu’n gadarnhaol ar eraill trwy gyfrifoldebau a gytunwyd arnynt mewn cyfarfod.
• Dangos parch at swyddogaethau’r lleill a chydnabod cyfyngiadau eu sgiliau a profiad.

Sut y bydd sgiliau cydweithredol yn cefnogi datblygiad eich gyrfa:

• Ceir cyfle i ragori mewn ceisiadau ac mewn cyfweliadau trwy rannu enghreifftiau o waith tîm effeithiol o'ch profiadau academaidd neu brofiadau gwaith.
• Gallwch hoelio sylw mewn ymarferion grŵp mewn canolfannau asesu drwy gymryd rhan weithredol yn y drafodaeth, annog eraill i gyfrannu ac effeithio'n gadarnhaol ar ddeinamig y tîm.
• Gallwch gofleidio meddylfryd sy'n canolbwyntio ar dîm a chydnabod sut mae’ch cymheiriaid a’ch cydweithwyr yn dod â'u sgiliau, cryfderau a'u profiadau eu hunain - priodoledd gwerthfawr iawn yn y rhan fwyaf o weithleoedd.
• Rhowch enghreifftiau mewn ffurflenni cais ac mewn cyfweliad o ddylanwadu'n gadarnhaol ar eraill i gyflawni cyfrifoldebau, gan arddangos eich sgiliau arwain.
• Gallwch ofyn am gefnogaeth gan eraill a gwerthfawrogi gwerth rhwydwaith proffesiynol estynedig i wella eich datblygiad gyrfa.

Ffyrdd o ddatblygu eich sgiliau cydweithredol yn y brifysgol:

• Mae gan Brifysgol Caerdydd dros 200 o Glybiau a Chymdeithasau; bydd cyfle i gydweithio â phobl o'r un anian neu roi cynnig ar rywbeth newydd.
• Gallwch weithio fel rhan o dîm a dod yn fodel rôl i fyfyrwyr eraill fel Llysgennad Myfyrwyr neu Gynorthwyydd Dyfodol Myfyrwyr.
• Bydd cyfle i gymryd rhan yng Nghynllun Mentora Myfyrwyr Prifysgol Caerdydd i gael cymorth cymheiriaid neu gefnogi myfyrwyr eraill.
• Gallwch gefnogi myfyrwyr i setlo i mewn i lety a bywyd y brifysgol fel Cynorthwyydd Bywyd Preswyl.
• Gallwch ddysgu i fod yn gydweithiwr da gyda chwrs byr Gwaith Grŵp Prifysgol Caerdydd ar waith tîm ac adborth.
• Ymunwch â’r Prosiect Profiad Dosbarth i wirfoddoli mewn ysgol leol a gweithio gydag athrawon a disgyblion.
• Cewch gyfle i gefnogi dysgwyr cynradd ac uwchradd lleol fel Mentor Iaith a Diwylliant neu Fentor Darllen.

Er mwyn dangos y rinweddau hon, dylech allu:

• Gwrando ar eraill ac ystyried eu safbwyntiau.
• Cyfathrebu syniadau cymhleth yn effeithiol i gynulleidfaoedd amrywiol.
• Cyfrannu at drafodaethau, negodi a chyflwyno’n effeithiol.
• Cyflwyno, derbyn a gweithredu ar adborth adeiladol.
• Cyfathrebu’n broffesiynol, gan gynnwys drwy eu proffiliau ar-lein a’u proffiliau cyfryngau cymdeithasol, a bod yn ymwybodol o sut y gallai eraill ddehongli geiriau a gweithredoedd.

Pa mor effeithiol y bydd sgiliau cyfathrebu yn cefnogi datblygiad eich gyrfa:

• Gwnewch argraff yn y cyfweliad trwy fynegi eich cryfderau, eich addasrwydd a'ch diddordeb yn y rôl.
• Datblygwch eich sgiliau trafod a darbwyllo i'w defnyddio mewn llawer o rolau sy'n wynebu cwsmeriaid neu gleientiaid.
• Addaswch eich sgiliau cyfathrebu rhagorol i weddu i'r gynulleidfa, sy’n sgil bwysig i lawer o weithleoedd lle efallai y byddwch yn gweithio gyda gwahanol grwpiau o bobl gan gynnwys cydweithwyr, rheolwyr, rhanddeiliaid mewnol ac allanol a chwsmeriaid neu gleientiaid.
• Cyfathrebwch yn broffesiynol trwy blatfformau’r cyfryngau cymdeithasol fel LinkedIn i dyfu eich rhwydwaith.
• Dangoswch eich addasrwydd ar gyfer swyddi arweinyddiaeth a rheoli – mae cyfathrebu'n allweddol i feithrin ymddiriedaeth ac annog cydweithio tuag at nodau cyffredin.

Sut allwch chi ddod yn gyfathrebwr mwy effeithiol?

• Gallwch fynd i Ffeiriau Gyrfaoedd a digwyddiadau cyflogwyr i ymarfer eich sgiliau rhwydweithio a sgyrsiau proffesiynol.
• Bydd cyfle i ymarfer eich sgiliau cyfweliad trwy ddefnyddio ein platfform ymarfer cyfweliadau a gynhyrchir gan AI Graduates First.
• Prosiect Grymuso Mewnflychau gyda chanllaw Prifysgol Caerdydd ar gyfathrebu trwy e-bost.
• Gallwch ddod yn llais i fyfyrwyr Cymraeg fel Llysgennad y Coleg Cymraeg Cenedlaethol.
• Cewch gyfle i ddarganfod sut i greu eich brand ar-lein a'ch rhwydwaith proffesiynol trwy Fynychugweithdy LinkedIn yng Nghanolfan Bywyd y Myfyrwyr.
• Bydd modd rhoi hwb i’ch sgiliau iaith trwy ddosbarthiadau ar-lein a gweithdai wyneb yn wyneb Gydasgiliau Saesneg Academaidd ar gyfer Myfyrwyr Rhyngwladol.
• Gallwch ddysgu iaith newydd ochr yn ochr â'ch astudiaethau.
• Gallwch ddysgu sut i gyflwyno’n effeithiol gyda chwrs cyflym Goroesi eich cyflwyniadau Prifysgol Caerdydd mewn cyflwyno effeithiol.

Er mwyn dangos y rinweddau hon, dylech allu:

• Ystyried eu cyfrifoldebau moesegol, cymdeithasol ac amgylcheddol personol a phroffesiynol.
• Dangos uniondeb, dibynadwyedd a chymhwysedd personol a phroffesiynol.
• Deall sefydliadau, eu rhanddeiliaid, a'u heffaith ar y gymuned.
• Ysgwyddo cyfrifoldeb ymarferol am hyrwyddo hawliau dynol, dathlu amrywiaeth ac ehangu cynhwysiant.
• Cofio am Argyfwng yr Hinsawdd a Nodau Cynaliadwy’r CU.
• Bod yn ddinasyddion byd-eang, gan ymgysylltu a gwerthfawrogi gwahaniaethau diwylliannol trwy gael profiad ymarferol mewn gwledydd eraill.

Sut y bydd bod yn ymwybodol o ran moesegol, yn gymdeithasol ac yn amgylcheddol yn cefnogi datblygiad eich gyrfa:

• Nodwch eich gwerthoedd personol a phroffesiynol a gwnewch benderfyniadau gyrfaol sy'n cyd-fynd orau â'r rhain, gan gynnwys y gwaith rydych chi'n ei wneud a'r sefydliadau rydych chi'n gweithio iddynt.
• Gallwch ennill boddhad personol a phroffesiynol o'r gwaith rydych chi'n ei wneud a'i effaith ehangach.
• Ymchwiliwch i ymrwymiad cyflogwyr i achosion moesegol, cymdeithasol ac amgylcheddol a dangoswch yr ymchwil hon mewn cyfweliad ac mewn ceisiadau.

Sut allwch chi ddatblygu eich ymwybyddiaeth foesegol, gymdeithasol ac amgylcheddol?

• Gallwch ddod yn Hyrwyddwr Cynaliadwyedd Prifysgol Caerdydd a chymryd rhan mewn ystod eang o weithgareddau a phrosiectau cynaliadwyedd.
• Ceir cyfle i wneud wahaniaeth i'r amgylchedd lleol drwy ymuno â'r Gymdeithas Bywyd Gwyllt a Chadwraeth.
• Gallwch gymryd rhan weithredol yn Wythnos Gynaliadwyeddy brifysgol.
• Bydd modd darganfod 17 Nod Datblygu Cynaliadwy'r Cenhedloedd Unedig a dysgu sut i gymryd camau cadarnhaol i sicrhau dyfodol mwy cynaliadwy.
• Gallwch ymgyrchu at ddiben trwy ymuno ag un o'r Gwasanaethau a Arweinir gan Fyfyrwyr am gyngor ac arweiniad.
• Cewch ymuno â staff llyfrgelloedd yn eu hymgais i greu diwylliant o gynaliadwyedd yn Llyfrgelloedd Prifysgol Caerdydd.
• Cewch gyfle i ymgoll mewn gwlad a diwylliant newydd trwy astudio, gweithio neiu wirfoddoli dramor.

Er mwyn dangos y rinweddau hon, dylech allu:

• Nodi, diffinio a dadansoddi materion a syniadau cymhleth, gan arfer barn feirniadol wrth werthuso ffynonellau gwybodaeth.
• Arddangos chwilfrydedd deallusol a cheisio meithrin gwybodaeth a dealltwriaeth.
• Ymchwilio i broblemau a chynnig datrysiadau effeithiol, myfyrio a dysgu o lwyddiannau a methiannau.

Sut y bydd meddwl annibynnol a beirniadol yn cefnogi eich datblygiad gyrfa:

• Gallwch ddatblygu eich ymwybyddiaeth fasnachol drwy gynnal ymchwil drylwyr i'ch sector a'i heriau i ddangos eich bod yn gallu dadansoddi problemau a rhagweld heriau'r dyfodol.
• Cewch ymgysylltu a buddsoddi amser ac ymdrech mewn dysgu gydol oes a datblygiad proffesiynol parhaus drwy wella eich sgiliau, gwybodaeth a'ch cyflogadwyedd.
• Mabwysiadwch feddylfryd twf - myfyriwch yn feirniadol ar fethiannau a llwyddiannau yn y gorffennol i fireinio a datblygu eich dull eich hun o ddatrys problemau.
• Cewch ddangos eich gallu i wneud penderfyniadau annibynnol, gwybodus ac effeithiol i gyflogwyr a mynegi sut rydych yn archwilio problemau mewn ceisiadau ac mewn cyfweliad.
• Defnyddiwch chwilfrydedd, amlochredd a gallu i addasu, sydd i gyd yn sgiliau rheoli gyrfa pwysig, wrth ddilyn cyfleoedd gyrfa newydd, efallai mewn gwahanol feysydd, sectorau neu ddiwydiannau.

Sut allwch chi ddatblygu eich ymwybyddiaeth foesegol, gymdeithasol ac amgylcheddol?

• Cewch ymgolli mewn ystod eang o bynciau trwy fynd i seminarau, gweithdai a digwyddiadau rhwydweithio a ddarperir ar draws Prifysgol Caerdydd.
• Bydd cyfle i chi ddatblygu’ch dealltwriaeth o sut y dylid a sut na ddylid defnyddio Deallusrwydd Artiffisial mewn cyd-destun academaidd, gyda Chanllaw i Fyfyrwyr Prifysgol Caerdydd i Ddeallusrwydd Artiffisial.
• Cewch gyfle i ddarganfod sut i ddarllen, meddwl ac ysgrifennu'n feirniadol gyda'n dosbarth Darllen a Meddwl Beirniadol ar y campws neu gwblhau cwrs ar-lein.
• Gallwch ddadansoddi a gwella’ch CV yn feirniadol trwy ddefnyddio ein Gwiriwr CV ar-lein a gynhyrchir gan AI.
• Cewch gyfle i wella sut rydych yn ysgrifennu traethodau trwy gwblhau'r cyrsiau: Dewis Ffynonellau o Ansawdd Da, Gwerthuso Gwybodaeth, ac Ymchwilio a Darllen yn Feirniadol.

Er mwyn dangos y rinweddau hon, dylech allu:

• Creu syniadau gwreiddiol a defnyddio dull creadigol, llawn dychymyg a dyfeisgar o feddwl wrth ymateb i anghenion a phroblemau.
• Cymryd yr awenau wrth weithredu ar eu syniadau eu hunain a syniadau eraill, cydbwyso’r risgiau a’r canlyniadau posib a gwneud i bethau ddigwydd.
• Bod yn hyderus wrth ddilyn llwybr gyrfa hyfyw a gwobrwyol mewn entrepreneuriaeth.
• Deall sefydliadau, eu rhanddeiliaid, a'u heffaith ar yr economi.

Sut y bydd bod yn arloesol, yn fentrus ac yn fasnachol ymwybodol yn cefnogi datblygiad eich gyrfa:

• Cewch hoelio sylw cyflogwyr trwy ddangos eich gallu i feddwl yn arloesol, gan ychwanegu gwerth sylweddol at ddiwydiannau sy'n blaenoriaethu aros ar y blaen.
• Cewch fod yn fòs arnoch chi eich hun trwy ddatblygu eich syniadau arloesol yn egin fusnes llwyddiannus neu yrfa llawrydd.
• Mewn cyfweliad ac mewn ceisiadau, dangoswch enghreifftiau o adegau y gwnaethoch weithredu o'ch pen a'ch pastwn eich hun a dangos potensial arweinyddiaeth, gan droi eich syniadau eich hun neu syniadau pobl eraill yn gamau cadarnhaol.
• Cymhwyswch ymwybyddiaeth fasnachol gref, eich gwybodaeth am sefydliadau a thueddiadau ehangach yn y diwydiant, i'ch penderfyniadau gyrfaol a mynegi hyn i gyflogwyr yn ystod prosesau recriwtio i hoelio eu sylw.
• Defnyddiwch eich dychymyg a'ch creadigrwydd i nodi ffyrdd newydd o fynd i'r afael â phroblemau, anghenion neu fylchau yn y diwydiant o'ch dewis, gan greu argraff ar gyflogwyr gyda'ch meddwl arloesol a'ch gwybodaeth am eich sector.

Sut allwch chi fod yn fwy arloesol, mentrus ac yn fasnachol ymwybodol?

• Ceir cyfle i wella'ch sgiliau cyflogadwyedd a'ch parodrwydd ar gyfer byd gwaith trwy gwblhau Gwobr Caerdydd.
• Gallwch ddysgu sut i ddechrau busnes neu ddod yn llawrydd trwy fynd i weithdy neu gwblhau un o'n Llwybrau Menter.
• Bydd cyfle i fynd i Baneli Cyflogwyr a Chyflwyniadau gan Siaradwyr Gwadd i wrando ar arbenigwyr yn y diwydiant a dysgu mwy am yrfaoedd o ddiddordeb.
• Cewch ymgymryd â lleoliad cyflogedig yn gweithio i'r brifysgol trwy ein Rhaglen Interniaethau Ar y Campws.
• Gellir cael profiad gwaith neu wirfoddoli i wella eich gwybodaeth o'r gweithle a helpu gyda'ch penderfyniadau gyrfaol.
• Cewch droi eich syniadau disglair yn fusnes trwy wneud cais am Ysgoloriaethau a Grantiau Ymchwil Santander.

Er mwyn dangos y rinweddau hon, dylech allu:

• Mynd ati’n bwrpasol i fyfyrio ar eu hastudiaethau, eu cyflawniadau a’u hunaniaeth.
• Yn dangos gwytnwch, hyblygrwydd a chreadigrwydd i ddelio â heriau, ac yn barod i dderbyn newid.
• Adnabod a chyfleu eu sgiliau, eu gwybodaeth a’u dealltwriaeth eu hunain yn hyderus ac mewn amrywiaeth o gyd-destunau.
• Ystyried syniadau, cyfleoedd a thechnolegau newydd, gan adeiladu ar wybodaeth a phrofiad i wneud penderfyniadau gwybodus am eu dyfodol eu hunain.
• Gosod nodau uchelgeisiol ar gyfer datblygiad personol a phroffesiynol parhaus, cynllunio’n effeithiol ac ymroi i ddysgu gydol oes.

Sut y bydd bod yn fyfyriol a gwydn yn cefnogi datblygiad eich gyrfa:

• Treuliwch amser yn meddwl yn rheolaidd am eich astudiaethau a'ch cyflawniadau, gan ddangos eich dealltwriaeth o'ch cryfderau, eich cymhellion a'ch meysydd ar gyfer twf. Bydd hyn yn helpu i lywio penderfyniadau a wnewch am eich gyrfa, a gofynnir i chi am y rhain mewn ceisiadau ac mewn cyfweliad.
• Paratowch ar gyfer cyfweliadau trwy fyfyrio yn weithredol ar eich profiadau, a fydd yn eich helpu i ddeall eich hunaniaeth broffesiynol ac yn eich galluogi i gyfleu’n glir yr hyn sy'n eich gwneud chi'n unigryw i ddarpar gyflogwyr.
• Mynegwch eich ymrwymiad i welliant parhaus trwy ddysgu pethau newydd yn rhagweithiol, cadw cofnod o unrhyw gyrsiau, gweithdai, hyfforddiant neu ddigwyddiadau ychwanegol rydych wedi mynd iddynt fel y gallwch eu trafod mewn ceisiadau ac mewn cyfweliad.
• Dylech gydnabod sut y gellir datblygu gwydnwch dros amser a myfyrio ar sut rydych chi wedi datblygu'ch gwydnwch chi eisoes trwy oresgyn heriau a throeon anffodus – gallai cyflogwyr ofyn i chi am hyn mewn ceisiadau ac mewn cyfweliad.
• Eglurwch eich nodau, eich dyheadau a'r hyn sy'n bwysig i'ch gyrfa eich hun trwy hunan-fyfyrio (siaradwch â Chynghorydd Gyrfaoedd os yw hyn yn anodd ichi ei wneud ar eich pen eich hun) i wella eich hyder o ran eich datblygiad gyrfaol eich hun a gwnewch benderfyniadau sy'n cyd-fynd orau â'r rhain.

Ffyrdd o ddod yn fwy myfyriol a gwydn yn y brifysgol:

• Gallwch drefnu apwyntiad 1:1 gyda Chynghorydd Gyrfa i drafod eich nodau ar gyfer y dyfodol, a myfyrio ar eich sgiliau a'ch cymhellion unigryw.
• Bydd cyfle i fyfyrio, a rhoi hwb i'ch gwytnwch trwy fynd i weithdai iechyd a lles neu wylio sesiynau wedi'u recordio ymlaen llaw ar-lein.
• Gallwch gefnogi myfyrwyr gyda'u lles wrth iddynt lywio bywyd myfyrwyr trwy ddod yn Hyrwyddwr Lles.
• Galwlch ddatblygu eich sgiliau Meddwl ac Ysgrifennu Myfyriol a dysgu sut i osgoi oedi trwy'r cyrsiau byr ar-lein hyn.
• Cewch gyfle i fagu eich hyder trwy sicrhau profiad gwaith gyda chefnogaeth y Tîm Hyder o ran Gyrfa.
• Gallwch greu strategaethau i'ch helpu i gadw ffocws ar eich astudiaethau trwy gwblhau'r cwrs ar-lein byr hwn ar gyfer Cymhelliant a Gosod Nodau.