Trosolwg o’r themâu
Y themâu ysgogol ar gyfer y pecyn cymorth hwn yw cynwysoldeb, cyflogadwyedd a chynaliadwyedd, sy’n flaenoriaethau canolog yn yr Is-Strategaeth Addysg a Myfyrwyr.
Yn adran hon y pecyn cymorth, mae’r tair thema graidd sy’n sail i’r holl waith dysgu ac addysgu ym Mhrifysgol Caerdydd: sef cynhwysiant, cynaliadwyedd a chyflogadwyedd.
Mae cynhwysiant yn hanfodol er mwyn cynnig dysgu sy’n ystyrlon, yn berthnasol ac yn hygyrch i bawb. Mae’n rhan graidd o brifysgol ffyniannus ac yn cydnabod bod pob aelod o’n cymuned yn dod â phrofiadau, hunaniaethau a safbwyntiau unigryw sy’n cyfoethogi ein dysgu ar y cyd. Mae gan y thema hon 4 is-adran: Cyflwyniad i Addysg Gynhwysol, Meithrin Ymdeimlad o Berthyn, Grymuso Myfyrwyr i Gyflawni eu Potensial, a Datblygu Meddylfryd Cynhwysol. Esbonnir yr adrannau hyn mewn perthynas â’r Fframwaith Addysg Gynhwysol, sydd yn adran Cyflwyniad i Addysg Gynhwysol. Os ydych chi’n newydd i addysgu neu addysg gynhwysol, gallech chi ddechrau gyda’r Cyflwyniad,
Mae’r thema Cyflogadwyedd yn cael ei harwain gan dîm Dyfodol Myfyrwyr, a’r nod yw cefnogi datblygiad sgiliau a chymwyseddau myfyrwyr at y dyfodol. Yn y thema hon, cewch chi hyd i gyngor, arweiniad ac adnoddau fydd o gymorth wrth ichi geisio gwireddu’r nodau sydd gennych chi o fewn eich rhaglen neu’ch modiwl. Gan adlewyrchu’r broses o weithio a chydweithio at ddiben ail-ddilysu, rydyn ni wedi rhannu ein hadnodd a’n canllawiau i’r categorïau a ganlyn: Fframwaith Dyfodol Myfyrwyr, Rhinweddau Graddedigion, Cymeradwyo ac Ail-ddilysu Rhaglenni (CARh) ac ymgorffori cyflogadwyedd yn y cwricwlwm.
Mae ‘cynaliadwyedd’ yn gysyniad eang sy’n mynd y tu hwnt i faterion amgylcheddol yn unig. Mae’n cyfeirio at y modd y mae prifysgolion yn gweithredu, yn addysgu, ac yn cyfrannu at gymdeithas mewn ffyrdd sy’n gyfrifol yn amgylcheddol, yn deg yn gymdeithasol, ac yn economaidd hyfyw yn y tymor hir. Mae ‘Addysg ar gyfer Datblygu Cynaliadwy’ (ADC) wedi cymryd lle addysg amgylcheddol draddodiadol i raddau helaeth mewn polisïau a thrafodaethau academaidd. Yn wahanol i addysg amgylcheddol, sy’n canolbwyntio’n fwy ar natur ac ecosystemau (eco-ganolog), mae ADC yn ymagwedd cyfannol sy’n canolbwyntio ar lesiant dynol, sy’n cynnwys materion megis tlodi ac anghydraddoldeb cymdeithasol. Ar y tudalennau Cynaliadwyedd, gallwch ddysgu mwy am ddiffiniadau ac arferion ADC, a darllen nifer o Astudiaethau Achos o Brifysgol Caerdydd sy’n ymgorffori ADC.
Dysgu Pellach
Mae’r themau hyn wedi’u cynnwys ym mhob un o adrannau eraill y pecyn cymorth, mewn perthynas â dylunio, dulliau addysgu, asesu ac adborth, a chydweithio.
Ar gyfer staff Prifysgol Caerdydd: gallwch ddatblygu eich dealltwriaeth o’r themâu hyn drwy gymryd rhan mewn gweithdai cysylltiedig, sydd wedi’u rhestru ar y dudalen Rhaglenni DPP ar y fewnrwyd. Mae’r gweithdai hyn ar gael i’w cymryd yn anghydamserol, yn eich amser eich hun, a gellir mynd ati wedyn i gynnal gweithdy byw (os oes digon o alw), neu gyfarfod pwrpasol gyda’r arweinydd i drafod sut i roi’r egwyddor ar waith yn eich arferion. Cewch ragor o wybodaeth ar dudalen DPP LTA Caerdydd.
Fframwaith Safonau Proffesiynol (PSF 2024)
Mae’r thema hon yn gysylltiedig â PSF 2024 wrth ystyried Fersiwn 1: Parchu dysgwyr unigol a grwpiau o ddysgwyr, a Fersiwn 2: hyrwyddo ymgysylltiad ym meysydd dysgu a chyfle cyfartal, a’r gofynion cyffredinol ar gyfer arddangos ‘Arferion effeithiol a chynhwysol’. Mae Cynaliadwyedd a Chyflogadwyedd hefyd yn ymwneud â Fersiwn 4: ymateb i’r cyd-destun ehangach, a gofynion K5 ar gyfer Sicrhau Ansawdd a Gwella Ansawdd.
