Cyfoethogi’r anglychedd dysgu

Dylunio Tudalennau Cynwysoldeb

Mae'r holl dudalennau Cynwysoldeb wedi'u cynllunio gan ddilyn egwyddorion Dylunio Cyffredinol ar gyfer Dysgu (UDL). Fe welwch gyfuniad o destun, fideo a delweddau, ynghyd â rhai pwyntiau ar gyfer myfyrio, enghreifftiau ymarferol ac astudiaethau achos.

Gallwch ddewis darllen y testun, neu gael mynediad at fideo o'r un deunydd. Mae'r recordiad ar waelod y dudalen hon. Gallwch hefyd fynychu gweithdy ar y pwnc: i gael gwybod mwy gweler y blwch DPP ar waelod y dudalen hon.

Defnyddio amrywiaeth y gymuned i gyfoethogi’r profiad dysgu

Syniad canolog o athroniaeth Affricanaidd Ubuntu yw cydnabod cydgysylltiad bodau dynol, wrth gydnabod gwerth cynhenid pob unigolyn. Mae’n awgrymu bod gan bob unigolyn rywbeth i’w gynnig, ac ni ddylai un math o arbenigedd drechu dros y llall. Ffynhonnell wybodaeth, felly, yw’r gymuned, nid yr unigolyn.

Mae tynnu ar amrywiaeth ein myfyrwyr i gyfoethogi’r profiad dysgu yn ganolog i weithio tuag at gymdeithas gymdeithasol gyfiawn. Mae arferion addys gegol cynhwysol yn rhoi cyfleoedd i fyfyrwyr fyfyrio a defnyddio eu profiadau bywyd eu hunain, gan alluogi pawb i ddysgu oddi wrth ei gilydd. Gall hyn gynyddu cydweithio ac arloesi. Gall amrywiaeth ddiwylliannol gael manteision ymarferol mewn mannau dysgu os ydym yn myfyrio arni o safbwynt diwylliannol sensitif (Attila Dobos, 2024). Gall wella ansawdd y trafodaethau ac arwain at ddealltwriaeth ddyfnach rhwng myfyrwyr.

Mae datblygu cymhwysedd diwylliannol o fewn y cwricwlwm yn meithrin gwerthoedd parch, a gwerthfawrogi a deall gwahanol gefndiroedd diwylliannol, a thrwy hynny alluogi pawb i weithio’n effeithiol yn ein byd wrth iddo globaleiddio fwyfwy. Mae adroddiad Advance HE, Creu Strategaethau Digidol Gynhwysol (2023) , er enghraifft, yn tynnu sylw at bwysigrwydd dylunio amgylcheddau dysgu sydd nid yn unig yn meithrin twf academaidd, ond sy’n cefnogi twf diwylliannol a chymdeithasol pob dysgwr.

Astudiaeth Achos

Addydgegau Empathetig:

Defnyddio’r celfyddydau perfformio, dulliau ethnograffig a dylunio cyfranogol i ddatblygu ffyrdd cynhwysol o feddwl. Yn y prosiect hwn, gwahoddwyd myfyrwyr gan yr Ysgol Pensaernïaeth i archwilio'n uniongyrchol anghenion perfformwyr ag anableddau corfforol a/neu ddysgu trwy gymryd rhan mewn gemau ac arbrofion yn ymwneud â’r celfyddydau perfformio. Buont yn gweithio ar friff byw, ymgysylltu â grŵp drama cynhwysol, a chynnig dyluniadau llwyfan. I ddarllen mwy am y prosiect, cliciwch ar y ddolen yma neu ewch i'r adran archwiliad dwfn isod.

Mae’r cwricwlwm rhyngddiwylliannol (Advance HE, 2019) yn creu lle diogel i ddysgwyr gyd-fyw, lle caiff safbwyntiau gwahanol eu cydnabod a’u croesawu a lle dysgir ohonynt. Mae rhoi lle i fyfyrwyr drafod, cwestiynu a beirniadu mewn amgylchedd diogel a meithringar yn galluogi myfyrwyr, ni waeth am unrhyw rwystrau, i deimlo eu bod yn cael eu gwerthfawrogi a bod eu llais yn cael ei glywed. eard.

Astudiaeth Achos

Yn y blogiad hwn, mae Maria Grimwood yn rhannu technegau y gellir eu defnyddio i herio problemau yn y cwricwlwm rhyngddiwylliannol.

Encouraging inclusive practice- a practical approach, Advance HE (advance-he.ac.uk)

Yma fe welwch ystyriaethau ymarferol wrth fyfyrio ar sut i dynnu ar amrywiaeth eich cymuned myfyrwyr:

Deall data

Ydych chi'n defnyddio data i ddeall nodweddion amrywiol myfyrwyr ar eich modiwl neu'ch rhaglen? Mae data myfyrwyr yn werthfawr wrth roi darlun clir i chi o bwy yw eich myfyrwyr, a'r grwpiau amrywiol o fyfyrwyr rydych chi'n eu haddysgu

Dewch i adnabod eich myfyrwyr

Ni allwch dynnu ar amrywiaeth eich myfyrwyr os nad ydych yn gwybod beth yw'r amrywiaeth honno. Treuliwch amser yn dod i adnabod eich gilydd. Gellid cyflawni hyn yn ystod tasgau cyn sesiwn, wrth ymsefydlu, neu yn ystod wythnosau cyntaf addysgu. Enghraifft braf yw gofyn i fyfyrwyr ddod â llun a/neu ddarn o gerddoriaeth sy'n gwneud iddyn nhw feddwl am adref. Gellid uwchlwytho hwn a gwneud collage yn yr wythnos gyntaf, yn dangos gwahanol ddiwylliannau, lleoedd a chefndiroedd.

Crëwch fannau diogel

Mae angen i fyfyrwyr ddathlu a pharchu eu cefndiroedd amrywiol eu hunain a rhai ei gilydd. Darparwch le o fewn sesiynau i fyfyrwyr ddysgu, gwerthfawrogi a myfyrio ar ddiwylliannau a chefndiroedd ei gilydd. Wrth i fyfyrwyr ddysgu am eu cefndiroedd a'u safbwyntiau amrywiol, cymerwch yr amser i dynnu sylw at yr hyn sy'n sarhaus a'r gwahaniaeth rhwng dathlu a chamfeddiannu diwylliannol.

Sensitifrwydd diwylliannol

Yn ystod y sesiynau, sicrhewch fod disgwyliadau ymddygiadol clir y cytunwyd arnynt gan bob myfyriwr ynghylch trafodaethau ac ymddygiadau amrywiaeth a chynhwysiant. Mae'n bwysig cael deialog agored ymysg myfyrwyr, ond mae yr un mor bwysig sicrhau bod pob myfyriwr yn sensitif i ddiwylliant, credoau, caffael iaith a chefndiroedd ei gilydd. Cymerwch yr amser ar ddechrau modiwl neu raglen i gyd-lunio gyda myfyrwyr sut y byddwch yn gwerthfawrogi hunaniaethau croestoriadol eich gilydd ac yn delio â materion dadleuol. Yn yr adran archwiliad dyfnach isod, edrychwch ar yr awgrymiadau gorau ar gyfer delio â materion dadleuol.

Darparwch ryddid a hyblygrwydd

Yn aml, dysgir y gwersi mwyaf gwerthfawr drwy brofiadau myfyriwr ei hun, felly mae darparu cyfleoedd i fyfyrwyr dynnu ar eu profiadau eu hunain yn y modiwl neu'r rhaglen yn annog cysylltiad â'r ddisgyblaeth a'r cwricwlwm. Caniatewch i fyfyrwyr ddarllen a chyflwyno deunyddiau sy'n ymwneud â'r wers sylfaenol. Mae hyn yn caniatáu i fyfyrwyr fynd at y pwnc o'u safbwynt ac mae'n dangos bod pwy ydyn nhw'n cael ei werthfawrogi mewn perthynas â'r ddisgyblaeth. Mae gwaith cymheiriaid a chyfleoedd i weithio mewn grwpiau amrywiol yn caniatáu i fyfyrwyr glywed safbwyntiau gwahanol ac yn helpu i'w paratoi ar gyfer y gweithlu byd-eang.

Cwestiynau Myfyrio

1. Pa ystyriaeth a roddir i hunaniaethau eich myfyrwyr wrth gynllunio eich modiwl neu'ch rhaglen?

2. Sut ydych chi'n darparu lle trwy gydol eich rhaglen neu'ch modiwl i fyfyrwyr fynd ati i archwilio, beirniadu a myfyrio ar eu profiadau, safbwyntiau a'u hunaniaethau croestoriadol eu hunain?

3. Sut mae myfyrwyr yn dysgu'n weithredol oddi wrth ei gilydd, gan werthfawrogi gwahanol gefndiroedd, profiadau a diwylliant?