Dulliau Addysgu ar gyfer Ymgysylltu a Dysgu

Mae’r adnodd Xerte isod yn cynnwys 50 o ddulliau addysgu i’w harchwilio. Gall y rhain wella eich dulliau addysgu a chyflwyno amrywiaeth o strategaethau i ddiwallu anghenion, dewisiadau a nodweddion amrywiol eich dysgwyr. Cafodd ei ddylunio drwy ddefnyddio’r egwyddorion allweddol canlynol.  

Dylunio ABC 

Mae chwe adran y pecyn cymorth hwn yn cyfateb i ‘fathau o ddysgu’ Dylunio Dysgu ABC . Y cymorth sydd ar gael: Mae gweithdai ABC yn cynnig lle i dimau modiwlau osod nodau, gwneud cynlluniau a gwerthuso pa mor agos yw eich cynlluniau i’r hyn rydych yn ceisio ei gyflawni. Gall Academi Dysgu ac Addysgu Caerdydd hwyluso gweithdai ABCi dimau rhaglen: cysylltwch â’r Academi os ydych chi’n credu y byddai eich Tîm Rhaglen yn elwa ar hyn. I gael rhagor o wybodaeth am ABC, gallwch bori drwy’r dudalen ar y fewnrwyd. 

Theori addysgol 

Ategir y dulliau addysgu hyn gan ymchwil helaeth a safbwyntiau damcaniaethol ar ddysgu ac addysgu. I ddarllen crynodeb byr o theori addysgol, i gynorthwyo eich dewis o ddulliau addysgu, ewch i Bennod 1 o University Teaching in Focus gan Hunt and Chalmers, neu darllenwch y crynodeb hwn o dair theori allweddol a’u cymhwysiad. 

Addysg Gynhwysol 

Mae pob dull yn nodi ystyriaethau cynhwysiant y dull. Er mwyn gwella eich dealltwriaeth o’r cyngor a roddir o ran addysg gynhwysol ar gyfer pob dull, efallai yr hoffech ymchwilio ychydig yn ddyfnach i egwyddorion addysg gynhwysol. Ewch i’r dudalen thema Cynhwysiant i ehangu eich dealltwriaeth. Bydd unrhyw ddull addysgu yn rhoi rhai grwpiau o fyfyrwyr dan anfantais: ystyriwch ddefnyddio Dylunio Cyffredinol ar gyfer Dysgu drwy ddefnyddio mwy nag un dull yn ystod sesiwn. Bydd hyn yn gwneud yn siŵr bod myfyrwyr yn gyfforddus gyda rhai dulliau. 

Y Pecyn Cymorth Addysgu: 

I’w agor mewn tudalen newydd, cliciwch ar y ddolen Pecyn Cymorth Addysgu hon.